|
ຈີນຈະບູລະນະລະບົບປະກັນສັງຄົມໃຫ້ສົມບູນຂຶ້ນຕື່ມອີກ
cri
Author: MO
ຕາມຂ່າວCRI: ວັນທີ 19 ມີນາຢູ່ທີ່ປັກກິ່ງ, ທ່ານຖຽນເສິງພິງ ລັດຖະມົນຕີກະຊວງແຮງງານແລະປະກັນສັງຄົມຈີນໄດ້ເຂົ້າຮ່ວມກອງປະຊຸມເວທີປາໄສຊັ້ນສູງກ່ຽວກັບການພັດທະນາຂອງຈີນປີ 2006, ທ່ານກ່າວວ່າ, ຈີນຈະບູລະນະລະບົບປະກັນສັງຄົມໃຫ້ສົມບູນຂຶ້ນຕື່ມອີກຕາມສະພາບສັງຄົມທີ່ປ່ຽນແປງເລື້ອຍໆ.
ທ່ານຊີ້ອອກວ່າ, ປະຈຸບັນ ລະບົບປະກັນສັງຄົມຂອງຈີນໄດ້ປະເຊີນກັບການທ້າທາຍດັ່ງລຸ່ມນີ້ຄື: ຜູ້ເຖົ້າເພີ່ມຂຶ້ນໄວ, ລະບົບປະກັນສັງຄົມໃນຕົວເມືອງແລະຊົນນະບົດພັດທະນາຢ່າງບໍ່ດຸນດຽງກັນ, ຮູບການປະກອບອາຊີບມີຫຼາຍຢ່າງຫຼາຍແນວ ແລະອື່ນໆ.
ທ່ານກ່າວວ່າ, ຈີນຈະບູລະນະລະບອບປະກັນສັງຄົມລາຍຕ່າງໆໃຫ້ສົມບູນຂຶ້ນຕື່ມ, ສືບຕໍ່ເປີດກວ້າງຂອບເຂດປະກັນໄພສັງຄົມ, ພ້ອມກັນນັ້ນ, ຈະປະກາດໃຊ້ກົດໝາຍວ່າດ້ວຍການປະກັນໄພສັງຄົມໂດຍໄວ, ເພື່ອສະໜອງຫຼັກອ້າງອີງດ້ານກົດໝາຍໃຫ້ແກ່ການບູລະນະລະບົບປະກັນສັງຄົມໃຫ້ສົມບູນຂຶ້ນ.
|
|
