|
ຕາມຂ່າວcri:ວັນທີ22ມີນາ,ຢູ່ທີ່ປັກກິ່ງ,ທ່ານຫຼີຈ້າວຊີງ ລັດຖະມົນຕີການຕ່າງປະເທດຈີນກ່າວລື້ມວ່າ,ຝ່າຍຈີນຫວັງໃຫ້ແກ້ໄຂບັນຫາຈຸດສຸມສາກົນຕ່າງໆເຊິ່ງລວມທັງ ບັນຫານີວຂອງເຄຼຍແຫຼມເກົາຫຼີແລະຂອງອີຣານດ້ວຍຄວາມພະຍາຍາມທາງການທູດ.
ທ່ານຫຼີຈ້າວຊີງແມ່ນສະແດງທ່າທີ່ດັ່ງກ່າວໃນເວລາພົບປະນັກຂ່າວນຳກັນກັບທ່ານໂມຣາຕີໂນສ໌ ລັດຖະມົນຕີການຕ່າງປະເທດແອສປາຍທີ່ມາຢາມ.
ທ່ານຫຼີຈ້າວຊີງຊີ້ອອກວ່າ,ລັດຖະບານຈີນໄດ້ພະຍາຍາມຊັກຊວນໃຫ້ມີສັນຕິພາບແລະຊຸກຍູ້ການເຈລະຈາໂດຍຕະຫຼອດ,ຊຸກຍູ້ໃຫ້ສ.ປ.ປ.ເກົາຫຼີກັບອາເມລິກາຕິດຕໍ່ກັນແລະເພິ່ມຄວາມໄວ້ເນື້ອເຊື່ອໃຈກັນຄ່ອຍໆ,ເຮັດໃຫ້ແຫຼມເກົາຫຼີປອດນິວເຄຼຍແລະມີສະຖຽນລະພາບຍາວນານດ້ວຍການສົນທະນາກັນແລະເຈລະຈາກັນ.ຈີນກໍ່ເດັດ່ຽວສະໜັບສະໜູນການຊຳລະບັນຫານີວເຄຼຍຂອງອີຣານດ້ວຍການເຈລະຈາກັນ,ສະໜັບສະໜູນການເຈລະຈາລະຫວ່າງສະຫະພາບເອີລົບກັບອີຣານ,ແລະຍິນດີຕ້ອນຮັບຣັດເຊຍຕິດຕໍ່ກັບອີຣານ.ທ່ານຍັງຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງມີນ້ຳອົດທົນ,ຄ່ອງແຄ້ວແລະຕິດແທດຕົວຈິງຫຼາຍກວ່າເກົ່າໃນບັນຫານີວເຄຼຍຂອງອີຣານ.
|
