ຕາມ​ຂ່າວ​ສານ​ຊິນ​ຮວາ:ວັນ​ທີ22​ມີນາ,ຢູ່​ທີ່​ປັກ​ກິ່ງ,ທ່ານ​ວາງ​ໂຫຼ​ງ​ເຕີ ຮອງ​ລັດຖະມົນຕີກະຊວງ​ສາທາ​ລະນະ​ສຸກ​ຈີນກ່າວ​ວ່າ,ລັດຖະ​ບານຈີນ​ສົ່ງ​ເສີມ​ອົງການ​ຈັດ​ຕັ້ງ​ຝ່າຍ​ລາດເຂົ້າ​ຮ່ວມ​ວຽກ​ງານ​ປ້ອງ​ກັນ​ແລະ​ປິ່ນປົວ​ໂຣກ​ເອດ​ສ໌,​ແລະ​ຈະລະດົມ​ຕື່ມ​ອີກ​ໃຫ້ອົງການ​ຈັດ​ຕັ້ງ​ຝ່າຍ​ລາດ​ປະ​ກອບ​ສ່ວນ​ເຂົ້າ​ໃນ​ການ​ປ້ອງ​ກັນ​​ແລະປິ່ວປົວ​ໂຣກ​ເອດ​ສ໌.

ທ່ານ​ວາງ​​ໂຫຼງ​​ເຕີ​ແມ່ນ​ໃຫ້​ທັດສະນະ​ດັ່ງກ່າວ ​ໃນ​ເວລາ​ເຂົ້າ​ຮ່ວມ​ກອງ​ປະຊຸມ​​ເທື່ອ​ໜຶ່ງ​ຂອງ​ອົງການ​ອະນາ​ໄມ​ໂລກ.ທ່ານ​​ເວົ້າ​ວ່າ,ຈີນ​ມີ​ປະຊາກອນ1​ຕື້300​ລ້ານ​ຄົນ,ຖ້າ​ອາ​ໄສ​ແຕ່ກຳລັງ​ລັດຖະບານ​ມາປ້ອງ​ກັນ​​ແລະປິ່ນປົວ​ໂຣກ​ເອດ​ສ໌ນັ້ນ​ແມ່ນບໍ່​ພຽງພໍ.ທ່ານ​ຊີ້​ອອກ​ວ່າ,​ໂດຍ​ແນ​ໃສ່ການ​ແຜ່​ຜາຍ​ທາງ​ເພດ​ເຊິ່ງ​​ແມ່ນ​ໜຶ່ງ​ໃນຊ່ອງ​ທາງ​ແຜ່​ຜາຍ​ໂຣກ​ເອດ​ສ໌ນັ້ນ,​ໂດຍ​ອີງ​ອາ​ໄສ​ພື້ນ​ຖານມະ​ຫາຊົນອັນ​ໜາ​ແໜ້ນ, ອົງການ​ຈັດ​ຕັ້ງຝ່າຍ​ລາດມີ​ທ່າ​ແຮງ​ອັນ​​ເດັ່ນ​ຊັດໃນ​ການ​ປ້ອງ​ກັນ.

ຜົນການ​ປະ​ເມີນ​ຫຼ້າ​ສຸດສະ​ແດງ​ໃຫ້​ເຫັນ​ວ່າ,ປະຈຸ​ບັນ,ຢູ່​ຈີນ​ມີ​ຜູ້​ຕິດ​ເຊື້ອ​ໂຣກ​ເອດ​ສ໌ປະມານ6​ແສນ5​ໝື່ນ​ຄົນ,​ໃນ​ນັ້ນ​ຜູ້​ເປັນ​ໂຣກ​ເອດ​ສ໌ມີ​ປະມານ7​ໝື່ນ5​ພັນ​ຄົນ.