|
ຕາມຂ່າວສານຊິນຮວາ:ວັນທີ21ມີນາ,ທ່ານລ້ຽວສຽວຈຸ່ນ ຮອງລັດຖະມົນຕີກະຊວງການເງິນຈີນກ່າວວ່າ,ຕໍ່ໄປພາຍໜ້າ,ຈະໃຫ້ເງິນເກື້ອກູນອັນເໝາະສົມແກ່ເຂດທີ່ມີຄວາມຫຍຸ້ງຍາກທາງເສດຖະກິດແລະເຂດທີ່ເກີດມີໄຂ້ຫວັດນົກຢ່າງໜັກໜ່ວງ.
ໃນກອງປະຊຸມວຽກງານທີ່ກ່ຽວຂ້ອງທີ່ໄຂຂຶ້ນຢູ່ເມືອງເປີ້ງປູ້ ແຂວງອ່ານຮຸ່ນ ພາກຕາເວັນອອກຂອງຈີນ,ທ່ານລ້ຽວສຽວຈຸ່ນເວົ້າວ່າ,ເດືອນພະຈິກປີກາຍນີ້,ກະຊວງການເງິນໄດ້ຈັດວາງ2ຕື້ຢວນເພື່ອຕັ້ງກອງທຶນປ້ອງກັນແລະຄວບຄຸມພະຍາດໄຂ້ຫວັດນົກ.ປີນີ້,ການເງິນສູນກາງຈະສືບຕໍ່ໃຫ້ເງິນເກື້ອກູນແກ່ການສັກຢາວັກແຊງໃຫ້ແກ່ສັດປີກລ້ຽງແລະການຂ້າເປັດໄກ່ທີ່ໄດ້ເປັນໄຂ້.ປະຈຸບັນ,ກະຊວງການເງິນພວມຮ່ວມກັນກັບກະຊວງກະສິກຳດຳເນີນການຊັນນະສູດຂອບເຂດແລະລະບຽບການສັກຢາວັກແຊງໃຫ້ສັດປີກທີ່ເປັນພະຍາດໄຂ້ຫວັດນົກແລະປະເພດວັກແຊງ,ທັງຄິດໄລ່ຄ່າໃຊ້ຈ່າຍ.
|
