|
|
 |
| (GMT+08:00)
2006-03-24 11:13:30
|
 |
|
ສະມາຊິກສະພາສູງອາເມລິກາເຫັນໄປໃນແງ່ດີຕໍ່ການປະຕິຮູບອັດຕາແລກປ່ຽນເງິນຕາຂອງຈີນ
cri
Author: sayvanny
ຕາມຂ່າວສານຊິນຮວາ: ວັນທີ 23 ມີນາ ຢູ່ປັກກິ່ງ, ທ່ານລິນເຊ.ກຼາຮາມ ແລະທ່ານຊາຣສ໌.ຊູເມີ ສະມາຊິກສະພາສູງອາເມລິກາເວົ້າວ່າ, ພວກທ່ານເຫັນໄປໃນແງ່ດີຕໍ່ການປະຕິຮູບອັດຕາແລກປ່ຽນເງິນຕາຂອງຈີນ.
ມື້ດຽວກັນ, ສະມາຊິກສະພາສູງອາເມລິກາສອງທ່ານດັ່ງກ່າວໄດ້ພົບປະກັບທ່ານນາງອູອີ ຮອງນາຍົກລັດຖະມົນຕີ ທ່ານໂຈວສຽວຊວນ ຜູ່ວ່າການທະນາຄານປະຊາຊົນຈີນແລະທ່ານໂປຊີລາຍ ລັດຖະມົນຕີກະຊວງການຄ້າຈີນ.ພວກທ່ານແມ່ນໄດ້ກ່າວທັດສະນະດັ່ງກ່າວໃນງານໃຫ້ສຳພາດຂ່າວຫລັງການພົບປະ.ພວກທ່ານເວົ້າວ່າ, ມາຢ້ຽມຢາມຈີນເທື່ອນີ້,ພວກທ່ານໄດ້ເຫັນລັດຖະບານແລະປະຊາຊົນຈີນມີຈຸດຄືກັນກັບປະຊາຊົນອາເມລິກາໃນບັນຫາອັດຕາແລກປ່ຽນເງິນຕາ. ຈີນກຳລັງທຸ່ມເຫື່ອເທແຮງປະຕິຮູບລະບອບອັດຕາແລກປ່ຽນເງິນຕາຢ່າງແທ້ຈິງ.ສະມາຊິກສະພາສູງທັງສອງທ່ານກ່າວວ່າ, ຄຽງຄູ່ກັບວັນເວລາຜ່ານໄປ, ບັນຫາອັດຕາແລກປ່ຽນເງິນຕາຂອງຈີນຍ່ອມຈະແກ້ໄຂໃຫ້ຕົກໄດ້.
ຈຸດປະສົງມາຢ້ຽມຢາມຈີນຂອງທ່ານກຼາຮາມແລະທ່ານຊູເມີແມ່ນເພື່ອທຳຄວາມເຂົ້າໃຈກັນກັບຝ່າຍຈີນກ່ຽວກັບບັນຫາຕ່າງໆຄື ການຄ້າຈີນອາເມລິກາບໍ່ກ້ຳເກິ່ງກັນ ອັດຕາແລກປ່ຽນເງິນຢວນຈີນແລະການປົກປ້ອງສິດຊັບສິນທາງປັນຍາເປັນຕົ້ນ.
ນອກນີ້,ຂ່າວແຈ້ງອີກວ່າ, ວັນທີ 23 ມີນາ ທະນາຄາປະຊາຊົນຈີນ ເຊິ່ງເປັນທະນາຄານກາງຂອງຈີນກ່າວວ່າຈະເພີ່ມທະວີລັກສະນະລອຍຕົວຂອງອັດຕາແລກປ່ຽນເງິນຢວນຈີນ, ພ້ອມກັນນັ້ນກໍ່ຍັງກ່າວເນັ້ນວ່າຕ້ອງຮັກສາຄວາມຫມັ້ນທ່ຽງພື້ນຖານໃນລະດັບສົມເຫດສົມຜົນແລະສະຫມ່ຳສະເຫມີ.
|
|
|
