|
|
 |
| (GMT+08:00)
2006-03-24 11:28:34
|
 |
|
ທ່ານຫູຈິນທາວ ປະທານປະເທດຈີນຈະໄປຢ້ຽມຢາມອາເມລິກາທາງລັດຖະກິດໃນກາງເດືນຫລືທ້າຍເດືອນເມສາ
cri
Author: sayvanny
ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 23 ມີນາ ໃນເວລາຕອບຄຳຖາມຂອງນັກຂ່າວຢູ່ປັກກິ່ງ, ທ່ານຊິນກາງ ໂຄສົກກະຊວງການຕ່າງ ປະເທດຈີນເວົ້າວ່າ, ໂດຍຕອບສະຫນອງຄຳເຊີນຂອງທ່ານບຸສ ປະທານາທິ ບໍດີອາເມລິກາ, ທ່ານຫູຈິນທາວ ປະທານປະເທດຈີນຈະໄປຢ້ຽມຢາມອາເມລິກາທາງລັດຖະກິດໃນກາງເດືອນຫລືທ້າຍເດືອນເມສາ.ສອງຝ່າຍຈີນອາເມລິກາກຳ ລັງຕັ້ງຫນ້າທຳການກະກຽມເພື່ອການຢ້ຽມຢາມເທື່ອນີ້.
ທ່ານຊິນກາງເວົ້າວ່າ, ການຢ້ຽມຢາມເທື່ອນີ້ແມ່ນມະຕິເອກະສັນຂອງ ສອງຝ່າຍຈີນອາເມລິກາ ໂດຍສະເພາະແມ່ນຜູ່ນຳສອງປະເທດໃນປີກາຍນີ້. ຈີນແລະອາເມລິກາມີຜົນປະໂຫຍດຮ່ວມຢ່າງກວ້າງຂວາງໃນຂົງເຂດກວ້າງຂວາງ, ໄດ້ດຳເນີນການຮ່ວມມືທີ່ບັງເກີດຜົນ.ພ້ອມກັນນັ້ນ, ຝ່າຍຈີນກໍ່ບໍ່ຫລົບຫລີກຄວາມເຫັນຂັດກັນທີ່ມີຢູ່ລະຫວ່າງສອງປະເທດ.ຈຸດປະສົງການຢ້ຽມຢາມຂອງທ່ານປະ ທານຫູຈິນທາວເທື່ອນີ້ກໍ່ແມ່ນເພື່ອເພີ່ມຄວາມໄວ້ເນື້ອເຊື່ອໃຈເຊິ່ງກັນແລະກັນ,ເປີດກວ້າງຄວາມຮັບຮູ້ທີ່ຄືກັນ, ຫລຸດຫນ້ອຍຄວາມເຫັນຂັດກັນ,ຊຸກຍູ້ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນກັບອາເມລິກາໃນສະຕະວັດທີ 21 ໃຫ້ຂະຫຍາຍຕົວຕື່ມອີກ.ສອງຝ່າຍຈະແລກປ່ຽນຄວາມເຫັນຢ່າງກວ້າງຂວາງກ່ຽວກັບບັນຫາທີ່ສົນໃຈນຳກັນ.
|
|
|
