|
ຕາມຂ່າວcri:ວັນທີ24ມີນາ,ຢູ່ທີ່ປັກກິ່ງ,ໃນເວລາພົບປະທ່ານອາເລນຄາ ຮອງປະທານາທິບໍດີເບຼຊິນທີ່ມາຢາມ,ທ່ານຫູຈິນທາວ ປະທານປະເທດຈີນກ່າວວ່າ,ຝ່າຍຈີນຍັນດີພ້ອມກັນກັບເບຼຊິນ,ພະຍາຍາມເຮັດໃຫ້ການພົວພັນລະຫວ່າງຈີນກັບເບຼຊິນກາຍເປັນແບບຢ່າງແຫ່ງການສາມັກຄີຮ່ວມມືກັນແລະພັດທະນາພ້ອມກັນລະຫວ່າງປະເທດພວມພັດທະນາ.
ທ່ານອາເລນຄາເວົ້າວ່າ,ການຊຸກຍູ້ການຂະຫຍາຍການພົວພັນຄູ່ຂາຍຸດທະສາດລະຫວ່າງເບຼຊິນກັບຈີນຢ່າງບໍ່ຢຸດຢັ້ງແມ່ນຄວາມປາຖະໜາຮ່ວມກັນຂອງປະທານາທິບໍດີ,ລັດຖະບານແລະປະຊາຊົນເບຼຊິນ.
ມື້ດຽວກັນ,ຢູ່ທີ່ປັກກິ່ງ,ທ່ານອາເລນຄາຍັງໄດ້ເຂົ້າຮ່ວມກອງປະຊຸມປະຖົມມະເລີກຂອງຄະນະກຳມະການປະສານງານແລະຮ່ວມມືກັນຊັ້ນສູງຈີນ-ເບຼຊິນ.ໃນກອງປະຊຸມດັ່ງກ່າວ,ຝ່າຍຈີນກັບຝ່າຍເບຼຊິນໄດ້ຫາລືຕົກລົງວ່າ,ຈະຈັດເອົາກົນໄກຮ່ວມມືໃນດ້ານຕ່າງໆ ເຊັ່ນ,ຫາລືການເມືອງພ້ອມດ້ວຍເສດຖະກິດການຄ້າ,ວິທະຍາສາດເຕັກໂນໂລຢີ,ການຮ່ວມມືດ້ານເຕັກນິກອະວະກາດ,ວັດທະນະທຳແລະກະສິກຳເປັນຕົ້ນທີ່ມີຢູ່ໃນປັດຈຸບັນລະຫວ່າງສອງປະເທດເຂົ້າໃນຄະນະກຳມະການດັ່ງກ່າວ.ພາກສ່ວນທີ່ກ່ຽວຂ້ອງຂອງສອງປະເທດຍັງໄດ້ເຊັນເອກະສານຮ່ວມມືຕ່າງໆ.
|
