|
ຕາມຂ່າວສານຊີນຮວາ: ໃນຫຼາຍປີມານີ້, ຫໍສະໝຸດແຫ່ງຊາດຈີນຍຶດໝັ້ນສ້າງຫໍສະໝຸດແບບສາທາລະນະປະໂຫຍດ, ອອກແຮງປົວແປງການບໍລິການ, ຕັ້ງໜ້າບຸກເບີກຊ່ອງຫວ່າງການບໍລິການ.
ຕາມໄດ້ຊາບ, ໃນການບໍລິການ, ຫໍສະໝຸດແຫ່ງຊາດຈີນໄດ້ພົ້ນເດັ່ນຈຸດພິເສດແບບສາທາລະນະປະໂຫຍດ ໄຂປະຕູສູ່ພາຍນອກ ແລະດີຈີຕອນ, ໄດ້ເປີກການບໍລິການເວບໄຊຊັບພະຍາກອນດີຈີຕອນ, ເປີດປະຕູຊັບພະຍາກອນດີຈີຕອນທີ່ບໍ່ມີລິຂະສິດ, ໃຫ້ຜູ້ອ່ານທົ່ວປະເທດໃຊ້ຟີ. ຫໍສະໝຸດແຫ່ງຊາດຈີນຍັງເອົາໃຈໃສ່ປົກປ້ອງສິດແລະຜົນປະໂຫຍດຂອງສາທາລະນະຊົນໃນການໄດ້ຮັບວັດທະນະທຳ, ສົ່ງປື້ມໄປໃຫ້ກຳມະກອນຊາວຊົນນະບົດຢູ່ສະຖານທີ່ກໍ່ສ້າງ, ເປີດປະຕູຫ້ອງອ່ານວາລະສານຕໍ່ກຳມະກອນກໍ່ສ້າງ; ເປີດບໍລິການຫ້ອງອ່ານປື້ມໃຫ້ຄົນພິການໂດຍຈຳເພາະ, ສົ່ງປື້ມແລະCDໃຫ້ເດັກນ້ອຍຢູ່ໂຮງຮຽນຄົນຕາບອດ; ຍັງຈັດການທັດສະນະສຶກສາ ວາງສະແດງ ງານບັນລະຍາຍ ແລະເປີດບໍລິການຫ້ອງອ່ານແບບຫຼາຍມີເດຍຕໍ່ເຍົາວະຊົນເປັນຕົ້ນ, ດຳເນີນການເຄື່ອນໄຫວສຶກສາວັດທະນະທຳທີ່ມີຫຼາຍຮູບຫຼາຍແບບແກ່ຜູ້ບໍ່ເຖິງກະສຽນອາຍຸ.
ນອກນີ້, ຫໍສະໝຸດແຫ່ງຊາດຈີນຍັງໄດ້ບຸກເບີກຂອບເຂດແລະຂົງເຂດບໍລິການໃຫ້ແກ່ອົງການນິຕິບັນຍັດແຫ່ງລັດສ້າງກົດໝາຍແລະຕັດສິນນະໂຍບາຍ, ບໍລິການໃຫ້ຄຳປຶກສາແກ່ການເຄື່ອນໄຫວສຳຄັນແລະການຕັດສິນຄົ້ນຄວ້ານະໂຍບາຍແກ່ຜູ້ນຳຂອງລັດ, ແລະກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນ.
|
