|
ມະຫາວິທະຍາໄລຝູຕ້ານຊຽງໄຮ້ສ້າງທຶນສຶກສາໃຫ້ນັກສຶກສາຕ່າງປະເທດ
cri
Author: mo
ຕາມຂ່າວສານຊີນຮວາ: ວັນທີ 3 ເມສາ, ມະຫາວິທະຍາໄລຝູຕ້ານຊຽງໄຮ້ຂອງຈີນປະກາດຕໍ່ພາຍນອກວ່າ, ແຕ່ປີນີ້ໄປ, ມະຫາວິທະຍາໄລຝູຕ້ານໄດ້ສ້າງທຶນສຶກສາໃຫ້ນັກສຶກສາຕ່າງປະເທດເປັນຄັ້ງທຳອິດ.
ຕາມທ່ານຢາງເຈິງໂກ ຮອງຫົວໜ້າຫ້ອງການນັກສຶກສາຕ່າງປະເທດຂອງມະຫາວິທະຍາໄລຝູຕ້ານສະເໜີວ່າ, ແຕ່ປີນີ້ເປັນຕົ້ນໄປ, ນັກສຶກສາຕ່າງປະເທດທີ່ເຂົ້າຮຽນຢູ່ມະຫາວິທະຍາໄລຝູຕ້ານໃນປີນັ້ນລ້ວນແຕ່ສາມາດຮ້ອງຂໍ"ທຶນສຶກສາສຳລັບນັກສຶກສາຕ່າງປະເທດຜູ້ໃໝ່ຂອງມະຫາວິທະຍາໄລຝູຕ້ານ", ແລະທຶນສຶກສາສຳລັບນັກສຶກສາປະລິນຍາໂທຂອງນັກສຶກສາຕ່າງປະເທດມະຫາວິທະຍາໄລຝູຕ້ານ". ມາດຖານປະກວດທຶນສຶກສາສອງປະເພດນີ້, ອັນກ່ອນແມ່ນຖືຄະແນນເສັງເຂົ້າໂຮງຮຽນເປັນຫຼັກອ້າງອີງ, ອັນຫຼັງຈະໃຫ້ຜູ້ຊ່ຽວຊານຕີລາຄາ.
ມະຫາວິທະຍາໄລຝູຕ້ານສ້າງຂຶ້ນເມື່ອປີ 1905, ມີຂະແໜງວິຊາຄົບຖ້ວນ, ມີກຳລັງສັງລວມແຂງແຮງ. ປັດຈຸບັນ, ມະຫາວິທະຍາໄລຝູຕ້ານມີນັກສຶກສາຕ່າງປະເທດລວມ 2534 ຄົນ.
|
|
