|
ການເງິນສູນກາງຈີນໃຫ້ເງິນເກື້ອກູນແກ່ຜູ້ປູກທັນຍາຫານ12 ຕື້ 500 ລ້ານຢວນ
cri
Author: min
ຕາມຂ່າວສານຊິນຮວາ: ກະຊວງການເງິນຈີນຕົກລົງເພີ່ມເງິນເກື້ອກູນ 12 ຕື້ 500 ລ້ານຢວນ, ເພື່ອໃຫ້ການເກື້ອກູນໂດຍກົງສັງລວມແກ່ຊາວກະສິກອນຜູ້ປູກທັນຍາຫານໃນປີນີ້.
ວັນທີ 11 ເມສາ, ຢູ່ທີ່ປັກກິ່ງ, ເຈົ້າໜ້າທີ່ກະຊວງການເງິນຈີນເວົ້າວ່າ, ມາດຕະການລາຍນີ້ແມ່ນເພື່ອຮັກສາຜົນປະໂຫຍດຂອງຊາວກະສິກອນຜູ້ປູກທັນຍາ ຫານຢ່າງແທ້ຈິງ, ປີນີ້, ຍອດມູນຄ່າເງິນເກື້ອກູນໂດຍກົງທີ່ຈີນໃຫ້ຊາວກະສິກອນຜູ້ປູກທັນຍາຫານມີເຖິງ 26 ຕື້ 700 ລ້ານຢວນ, ເມື່ອທຽບໃສ່ປີກາຍແລ້ວໄດ້ເພີ່ມຂຶ້ນ 102% .
ຈີນມີປະຊາກອນ 1 ຕື້ 300 ລ້ານຄົນ, ປະຊາກອນຊົນນະບົດກວມສ່ວນໃຫຍ່, ການແກ້ໄຂບັນຫາກະສິກຳ, ຊົນນະບົດແລະຊາວກະສິກອນໃຫ້ດີຈຶ່ງໄດ້ກາຍເປັນວຽກງານຈຸດໜັກກວ່າໝູ່ຂອງພັກແລະລັດຖະບານຈີນ. ໃນຕົ້ນປີນີ້, ຈີນໄດ້ຍົກເລີກອາກອນກະສິກຳ, ກໍ່ແມ່ນເພື່ອຜ່ອນຄາຍການຫາບແບກຂອງຊາວກະສິກອນຈີນຕື່ມອີກ, ລະດົມຄວາມຫ້າວຫັນໃນການປູກທັນຍາຫານຂອງຊາວກະສິກອນ.
|
|
