|
ຕາມຂ່າວສານຊິນຮວາ:ວັນທີ12 ເມສາ,ທ່ານເຊັນຢຸນລີນ ຫົວໜ້າຫ້ອງການວຽກງານໄຕ້ຫວັນສູນກາງພັກກອມມູນິດຈີນກ່າວວ່າ,ທ່ານຫູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນຈະພົບປະທ່ານຫຼຽນຈ້ານ ປະທານກິຕິມະສັກພັກກົກມິນຕັງຈີນອີກເທື່ອໜຶ່ງໃນໄລຍະເວທີປາໄສເສດຖະກິດການຄ້າລະຫວ່າງສອງຝັ່ງ.
ເວທີປາໄສເສດຖະກິດການຄ້າລະຫວ່າງສອງຝັ່ງຈະຈັດຂື້ນຢູ່ປັກກິ່ງແຕ່ວັນທີ14 ຫາວັນທີ15 ເມສາ.
ຕາມໄດ້ຊາບ,ເວທີປາໄສຄັ້ງນີ້ຈະຖືການແລກປ່ຽນເສດຖະກິດການຄ້າແລະການໄຂສາຍການບີນໂດຍກົງລະຫວ່າງສອງຝັ່ງເປັນຂໍປະເດັ່ນ,ສຳມະນາຫົວຂໍຄືຜົນສະທ້ອນຂອງການແລກປ່ຽນເສດຖະກິດການຄ້າລະຫວ່າງສອງຝັ່ງຕໍ່ການພັດທະນາເສດຖະກິດຂອງສອງຝ່າຍ;ການແລກປ່ຽນແລະການຮ່ວມມືທາງກະສິກຳລະຫວ່າງສອງຝັ່ງຊ່ອງແຄບໄຕ້ຫວັນ;ຜົນສະທ້ອນຂອງການໄຂສາຍການບີນໂດຍກົງລະຫວ່າງສອງຝັ່ງຕໍ່ຍຸດໂທບາຍພັດທະນາຜະລິດຕະກຳແລະການຈັດວາງວິສາຫະກິດໃນທົ່ວໂລກ.ໃນເວລານັ້ນ,ຊັ້ນສູງພັກກອມມູນິດຈີນແລະພັກກົກມິນຕັງ,ຜູ້ຮັບຜິດຊອບວິສາຫະກິດທີ່ກ່ຽວຂ້ອງອົງການອຸດສາຫະກຳການຄ້າແລະຜູ້ຊ່ຽວຊານແລະນັກປາດຂອງວົງການເສດຖະກິດເປັນຕົ້ນລວມ300ຄົນຈະເຂົ້າຮ່ວມກອງປະຊຸມເວທີ.
|
