|
ທ່ານເຈຍຊິ້ງຫຼິນເວົ້າວ່າ,ແທ່ນແລກປ່ຽນກັນທີ່ສ້າງໂດຍພັກກົກມິນຕັງກັບພັກກອມມູນິດມີຊ່ອງຫວ່າງອັນກວ້າງຂວາງ
cri
Author: da
|
ຕາມຂ່າວCRI:ວັນທີ 14 ເມສາ ຢູ່ປັກກິ່ງ ທ່ານເຈຍຊິ້ງຫຼິນ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນເວົ້າວ່າ,ແທ່ນແລກປ່ຽນກັນທີ່ສ້າງໂດຍພັກກົກມິນຕັງກັບພັກກອມມູນິດມີຊ່ອງຫວ່າງອັນກວ້າງຂວາງ,ຂໍ້ປະເດັນແມ່ນໄຂປະຕູ່ສູ່ພາຍນອກ,ຊົມເຊີຍບຸກຄົນວົງການຕ່າງໆຂອງສອງຝັ່ງເຂົ້າຮ່ວມ.
ທ່ານເຈຍຊິ້ງຫຼິນແມ່ນໃຫ້ທັດສະນະດັ່ງກ່າວໃນເວລາກ່າວປາຖະກະຖາໃນເວທີປາໄສເສດຖະກິດການຄ້າສອງຝັ່ງທີ່ໄຂຂຶ້ນໃນມື້ດຽວກັນ.ທ່ານເວົ້າວ່າ,ຝ່າຍທີ່ກ່ຽວຂ້ອງຂອງພັກກອມມູນິດຈີນກັບພັກກົກມິນຕັງຈີນພ້ອມກັນຈັດເວທີປາໄສເສດຖະກິດການຄ້າສອງຝັ່ງ,ມີຈຸດປະສົງສ້າງແທ່ນ,ເຊື້ອເຊີນບຸກຄົນຜູ້ເຫັນກວ້າງມອງໄກໃນວົງການຕ່າງໆ,ມາພ້ອມກັນຫາລືແຜນຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ທ່ານເຈຍຊິ້ງຫຼິນສະເໜີ,ຜ່ານຈາກການຈັດເວທີປາໄສເສດຖະກິດການຄ້າແລະວັດທະນະທຳສອງຝັ່ງ,ໃຫ້ສອງຝ່າຍຫາລືຫົວຂໍ້ກ່ຽວກັບການເພີ່ມທະວີການຮ່ວມມືທາງເສດຖະກິດແລະການແລກປ່ຽນທາງວັດທະນະທຳລະຫວ່າງສອງຝັ່ງ;ທັງສາມາດຈັດເວທີປາໄສພັດທະນາໂດຍສັນຕິລະຫວ່າງສອງຝັ່ງ,ຫາລືຫົວຂໍ້ອື່ນໆທີ່ພີ່ນ້ອງຮ່ວມຊາດໄຕ້ຫວັນສົນໃຈນຳ.ທະແນມແຕ່ແມ່ນຫົວຂໍ້ທີ່ມີຜົນດີຕໍ່ການເພີ່ມທະວີຄວາມສຸກຂອງພີ່ນ້ອງຮ່ວມຊາດຢູ່ສອງຝັ່ງ ມີຜົນດີຕໍ່ການຊຸກຍູ້ການແລກປ່ຽນລະຫວ່າງສອງຝັ່ງ ແລະມີການຊ່ອຍເຫຼືອການພົວພັນລະຫວ່າງສອງຝັ່ງມີສັນຕິພາບ ໝັ້ນທ່ຽງແລະຂະຫຍາຍຕົວອອກແລ້ວ,ລ້ວນແຕ່ຫາລືກັນໄດ້.
|
|
