|
ເຈົ້າໜ້າທີ່ອາວຸໂສກະຊວງການຕ່າງປະເທດຈີນກ່າວວ່າ,ການຢ້ຽມຢາມຂອງທ່ານຫູຈິນທາວຈະຊຸກຍູ້ການພົວພັນລະຫວ່າງຈີນກັບປະເທດອາລັບແລະອາຟຼີກາຂະຫຍາຍໄປໜ້າຕື່ມອີກ
cri
Author: da
ຕາມຂ່າວCRI:ວັນທີ 14 ເມສາ ຢູ່ປັກກິ່ງ ທ່ານຢາງເຈສື ຮອງລັດຖະມົນຕີການຕ່າງປະເທດຈີນເວົ້າວ່າ,ທ່ານຫູຈິນທາວ ປະທານປະເທດຈີນໃກ້ຈະໄປຢ້ຽມຢາມອາລາບີ ຊາວູດິດ ມາລົກ ນີເຊເລຍແລະເກນຢາທາງລັດຖະກິດນັ້ນຈະຊຸກຍູ້ການພົວພັນລະຫວ່າງຈີນກັບປະເທດອາລັບແລະອາຟຼີກາຂະຫຍາຍໄປໜ້າຕື່ມອີກ.
ທ່ານຢາງເຈສືແນະນຳວ່າ,ໃນໄລຍະຢ້ຽມຢາມ 4 ປະເທດດັ່ງກ່າວ,ທ່ານຫູຈິນທາວຈະເຈລະຈາກັບປະມຸກລັດ 4 ປະເທດດັ່ງກ່າວ,ພົບປະກັບຜູ້ນຳອື່ນແລະບຸກຄົນວົງການອຸດສາຫະກຳການຄ້າຂອງ 4 ປະເທດ,ຈະກ່າວປາຖະກະຖາຢູ່ອາລາບີ ຊາວູດິດແລະນີເຊເລຍ,ບັນລະຍາຍນະໂຍບາຍແລະເຈດຈຳນົງຂອງຈີນທີ່ຂະຫຍາຍການພົວພັນກັບປະເທດອາລັບແລະປະເທດອາຟຼີກາໃນສະຕະວັດໃໝ່ຢ່າງຮອບດ້ານ.
ທ່ານຫູຈິນທາວຈະຢ້ຽມຢາມ 4 ປະເທດດັ່ງກ່າວທາງລັດຖະກິດແຕ່ວັນທີ 22 ຫາວັນທີ 29 ເມສາຫຼັງຈາກຢາມອາເມລິກາແລ້ວ.
|
|
