|
|
 |
| (GMT+08:00)
2006-04-15 18:38:48
|
 |
|
ຝ່າຍແຜ່ນດິນໃຫຍ່ປະກາດນະໂຍບາຍແລະມາດຕະການຫຼາຍຂໍ້ອຳນວຍຜົນປະໂຫຍດໃຫ້ແກ່ພີ່ນ້ອງຮ່ວມຊາດໄຕ້ຫວັນ
cri
Author: da
ຕາມຂ່າວCRI: ວັນທີ 15 ເມສາ ເວທີປາໄສເສດຖະກິດການຄ້າສອງຝັ່ງໄດ້ອັດລົງຢູ່ປັກກິ່ງ.ຝ່າຍແຜ່ນດິນໃຫຍ່ປະກາດນະໂຍບາຍແລະມາດຕະການຫຼາຍຂໍ້ອຳນວຍຜົນປະໂຫຍດໃຫ້ແກ່ພີ່ນ້ອງຮ່ວມຊາດໄຕ້ຫວັນ.
ນະໂຍບາຍແລະມາດຕະຫານເຫຼົ່ານີ້ມີດັ່ງລຸ່ມນີ້:ເພີ່ມທະວີການຮ່ວມມືທາງກະສິກຳລະຫວ່າງສອງຝັ່ງ,ເຊັ່ນແຕ່ວັນທີ 1 ພຶດສະພາເປັນຕົ້ນໄປ,ຝ່າຍແຜ່ນດິນໃຫຍ່ຈະເພີ່ມຊະນິດໝາກໄມ້ໄຕ້ຫວັນທີ່ອະນຸມັດເຂົ້າຕະຫຼາດແຜ່ນດິນໃຫຍ່ພາຍຫຼັງໄດ້ຜ່ານການກວດຄຸນນະພາບແລະກວດພະຍາດແລ້ວນັ້ນຈາກ 18 ຊະນິດຂຶ້ນເປັນ 22 ຊະນິດ,ເປີດໃຫ້ຜັກ 11 ຊະນິດທີ່ຜະລິດຢູ່ໄຕ້ຫວັນສົ່ງຂາຍຢູ່ແຜ່ນດິນໃຫຍ່,ແລະຍົກເວັ້ນພາສີ.ນອກນີ້,ຈະຊຸກຍູ້ການແລກປ່ຽນແລະການໄປມາຫາສູ່ກັນລະຫວ່າງປະຊາຊົນສອງຝັ່ງຕື່ມອີກ,ສືບຕໍ່ຊຸກຍູ້ການແລກປ່ຽນແລະການຮ່ວມມືລະຫວ່າງສອງຝັ່ງໃນຂົງເຂດປີ່ນປົວສາທາລະນະສຸກ,ຈະປະກາດ"ວິທີຄຸ້ມຄອງປະຊາຊົນແຜ່ນດິນໃຫຍ່ໄປທ່ອງທ່ຽວຢູ່ເຂດໄຕ້ຫວັນ"ໃນໄວໆນີ້ເປັນຕົ້ນ.
ນອກນີ້,ເວທີປາໄສຄັ້ງນີ້ຍັງໄດ້ສະເໜີຂໍ້ສະເໜີ 6 ຂໍ້ກ່ຽວກັບການເພີ່ມທະວີແລະລົງເລິກການແລກປ່ຽນແລະການຮ່ວມມືທາງເສດຖະກິດລະຫວ່າງສອງຝັ່ງ,ເນື້ອໃນຕົ້ນຕໍມີດັ່ງລຸ່ມນີ້:ລົງເລິກແລະເປີດກວ້າງການແລກປ່ຽນແລະການຮ່ວມມືທາງເສດຖະກິດການຄ້າລະຫວ່າງສອງຝັ່ງຢ່າງຮອບດ້ານ,ໃຫ້ສອງຝັ່ງບັນລຸຄວາມຈະເລີນຮຸ່ງເຮືອງພ້ອມກັນ;ຕັ້ງໜ້າຊຸກຍູ້ການເດີນອາກາດແລະການເດີນເຮືອລະຫວ່າງສອງຝັ່ງໂດຍກົງ;ເພີ່ມທະວີການແລກປ່ຽນແລະການຮ່ວມມືລະຫວ່າງສອງຝັ່ງໃນດ້ານການບໍລິການຄືການທະນາຄານເປັນຕົ້ນ.
ທ່ານເຈຍຊິ້ງຫຼິນ ກຳມະການປະຈຳກົມການເມືອງສູນກາງພັກກອມມູນິດ ປະທານສະພາປຶກສາການເມືອງປະຊາຊົນແຫ່ງຊາດຈີນແລະທ່ານລຽນຈ້ານ ປະທານກິຕິມະສັກພັກກົກມິນຕັງຈີນໄດ້ເຂົ້າຮ່ວມພິທີປິດເວທີປາໄສ.
|
|
|
