ຕາມ​ຂ່າວcri:ວັນ​ທີ21​ເມສາ,ທ່ານ​ພ່ານ​ໂຢ້ ຮອງ​ຫົວໜ້າ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​​ແຫ່ງ​ຊາດ​ຈີນ​ກ່າວ​ວ່າ,ຈີນ​ຈະ​ເຮັດ​ໃຫ້​ສາທາລະນະ​ຊົນ​ມີ​ສ່ວນ​ຮ່ວມ​ຫຼາຍ​ຂຶ້ນ​ຕື່ມ​ອີກ​ໃນຂົງ​ເຂດ​ອະນຸລັກ​ສິ່ງ​ແວດ​ລ້ອມ​.

ໃນ​ເວລາ​ເຂົ້າ​ຮ່ວມ​ພິທີມອບ"​ລາງວັນ​ໜ່ວຍ​ໂລກ"ປີ2006ທີ່​ຈັດ​ຂຶ້ນ​ຢູ່​ທີ່ປັກ​ກິ່ງ,ທ່ານ​ພ່ານ​ໂຢ້​​ເວົ້າ​ວ່າ,ລະດັບ​ທີ່​ສາທາລະນະ​ຊົນ​ເຂົ້າ​ຮ່ວມການອະນຸລັກ​ສິ່ງ​ແວດ​ລ້ອມ​ໄດ້​ສ່ອງ​ແສງໃຫ້​ເຫັນລະດັບ​ການພັດທະນາ​ແບບ​ຍືນ​ຍົງ​ຂອງ​ປະ​ເທດ​ໃດ​ໜຶ່ງໂດຍ​ກົງ.ຕໍ່​ໄປ​ພາຍ​ໜ້າ,ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ຈະ​ສ້າງ​ລະບົບ​ເປີດເຜີຍ​ຂໍ້​ມູນ​ຂ່າວສານ​ສິ່ງ​ແວດ​ລ້ອມ​ລະບົບ​ໜຶ່ງ,​ເພື່ອ​ຮັບ​ປະກັນ​​ໃຫ້ສາທາ​ລະນະ​ຊົນ​ເຂົ້າ​ຮ່ວມວຽກ​ງານ​ອະນຸລັກ​ສິ່ງ​ແວ​ດລ້ອມ​ຢ່າງ​ບັງ​ເກີດ​ຜົນ.ພ້ອມ​ກັນ​ນັ້ນ,ກໍ່​ຈະ​ຊຸກ​ຍູ້ການ​ເປີດ​ເຜີຍຂໍ້​ມູນ​ຂ່າວສານ​ສິ່ງ​ແວດ​ລ້ອມ​ແລະການ​ຕົກລົງນະ​ໂຍບາຍ​ສິ່ງ​​ແວດ​ລ້ອມ​​ແບບປະ​ຊາທິປະ​ໄຕຕື່ມ​ອີກ,ສົ່ງ​ເສີມ​ການ​ຮ້ອງຟ້ອງ​​ເພື່ອສາທາລະນະ​ປະ​ໂຫຍດສິ່ງ​ແວດ​ລ້ອມ,​ແລະຕັ້ງ​ໜ້າ​​ເສີມ​ຂະຫຍາຍ​ບົດບາດ​ຂອງ​ສາທາລະນະ​ຊົນ​​ແລະ​ອົງການຈັດ​ຕັ້ງ​ອະນຸລັກ​ສິ່ງ​ແວດ​ລ້ອມມະ​ຫາຊົນ​.