|
|
 |
| (GMT+08:00)
2006-04-26 20:53:12
|
 |
|
ການເຄື່ອນໄຫວຂະໜາດໃຫຍ່ຢ່າງເປັນລະບົບກ່ຽວກັບ"ການທ່ອງທ່ຽວສັນຖະວະໄມຕີຈີນອາຊຽນ"ຈະຈັດຂຶ້ນໃນເດືອນຕຸລາປີນີ້
cri
Author: da
ຕາມຂ່າວCRI:ວັນທີ 26 ເມສາ ຢູ່ປັກກິ່ງ ສະມາຄົມມິດຕະພາບກັບຕ່າງປະເທດຂອງປະຊາຊົນຈີນແລະສະມາຄົມຈີນອາຊຽນໄດ້ຮ່ວມກັນປະກາດວ່າ,ການເຄື່ອນໄຫວຂະໜາດໃຫຍ່ຢ່າງເປັນລະບົບກ່ຽວກັບ"ການທ່ອງທ່ຽວສັນຖະວະໄມຕີຈີນອາຊຽນ"ຈະຈັດຂຶ້ນໃນເດືອນຕຸລາປີນີ້.
ກອງລົດທີ່ປະກອບດ້ວຍບຸກຄົນວົງການຕ່າງໆ ນັກຖ່າຍຮູບແລະສິນລະປິນຂອງຈີນຈະເລີ່ມເດີນທາງອອກຈາກປັກກິ່ງໃນຕົ້ນເດືອນຕຸລາປີນີ້,ໄປຢ້ຽມຢາມຫວຽດນາມ ລາວ ມຽນມາ ໄທ ກຳປູເຈຍ ມາເລເຊຍແລະສິງກະໂປ,ຈັດງານສະແດງຮູບຖ່າຍ"ຈີນໃນປະຈຸບັນ"ຢູ່ບັນດາປະເທດທີ່ໄປຮອດ.ໃນໄລຍະຢ້ຽມຢາມ,ຄະນະຢ້ຽມຢາມຈະພ້ອມກັບອົງການໄມຕີຈິດຂອງທ້ອງຖິ່ນຮ່ວມກັນຈັດການສະແດງສິລະປະວັນນະຄະດີ,ການແລກປ່ຽນທາງວັດທະນະທຳ ປຶກສາຫາລືກັນທາງເສດຖະກິດການຄ້າແລະການບໍລິຈາກເຮັດບຸນກຸສົນເປັນຕົ້ນ,ທັງຈະຈັດງານວາງສະແດງຮູບຖ່າຍຢ່າງຂະໜາດໃຫຍ່ທີ່ມີຫົວຂໍ້ວ່າ"ການທ່ອງທ່ຽວສັນຖະວະໄມຕີຈີນອາຊຽນ"ຢູ່ສິງກະໂປ,ວາງສະແດງຮູບຖ່າຍທີ່ນັກຖ່າຍຮູບຖ່າຍໄປນຳທາງ.
ປີນີ້ແມ່ນຈີນກັບອາຊຽນສ້າງສາຍສຳພັນຄູ່ສົນທະນາກັນຄົບຮອບ 15 ປີ.ຜູ້ຈັດການເຄື່ອນໄຫວເວົ້າວ່າ:ການເຄື່ອນໄຫວເທື່ອນີ້ໄດ້ສະແດງໃຫ້ເຫັນຄວາມປາຖະໜາຂອງປະຊາຊົນຈີນທີ່ຍິນດີເພີ່ມທະວີຄວາມໄວ້ເນື້ອເຊື່ອໃຈກັນແລະຮ່ວມມືກັນດ້ວຍໄມຕີຈິດກັບປະຊາຊົນບັນດາປະເທດອາຊຽນ; ທັງຈະຊຸກຍູ້ການພົວພັນຄູ່ຂາຍຸດທະສາດລະຫວ່າງຈີນກັບອາຊຽນທີ່ອວ່າຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງໃຫ້ຂະຫຍາຍຕົວຢ່າງບໍ່ຢຸດຢັ້ງ.
|
|
|
