|
ນັກປາດຂອງເຂດໃນ ຮົງກົງແລະມາກາວເຫັນວ່າ,ຄວນຜັນຂະຫຍາຍ ກົດໝາຍພື້ນຖານຢ່າງຖືກຕ້ອງ ຊຸກຍູ້ສັງຄົມຮົງກົງມາກາວໃຫ້ພັດທະນາຢ່າງກົມກຽວກັນ
cri
Author: da
ຕາມຂ່າວສານຊິນຮວາ:ວັນທີ 27 ເມສາ ຢູ່ປັກກິ່ງ,ຜູ້ຊ່ຽວຊານແລະນັກປາດຂອງເຂດໃນ ຮົງກົງແລະມາກາວເວົ້າວ່າ,ຄວາມຈະເລີນຮຸ່ງເຮືອງແລະສະຖຽນລະພາບແລະສັງຄົມກົມກຽວກັນແມ່ນຄວາມຮັບຮູ້ຄືກັນຢ່າງກວ້າງຂວາງທີ່ສຸດຂອງປວງຊົນຮົງກົງແລະມາກາວ.ສັງຄົມຮົງກົງແລະມາກາວຄວນຜັນຂະຫຍາຍກົດໝາຍພື້ນຖານຢ່າງຖືກຕ້ອງ,ກຳໂອກາດເລັ່ງລັດພັດທະນາ,ປະກອບສ່ວນເຂົ້າໃນການຮ່ວມກັນສ້າງສາເສດຖະກິດຂອງເຂດພິເສດຮົງກົງມາກາວໃຫ້ຈະເລີນຮຸ່ງເຮືອງ ສັງຄົມກົມກຽວກັນແລະມີສະຖຽນລະພາບ.
ໃນງານສຳມະນາຄົ້ນຄວ້າທີ່ລະລຶກການປະກາດກົດໝາຍພື້ນຖານຮົງກົງຄົບຮອບ 16 ປີແລະປະກາດກົດໝາຍພື້ນຖານມາກາວຄົບຮອບ 13 ປີ,ທ່ານສີຊົງເຕິ ສາດສະດາຈານມະຫາວິທະຍາໄລປະຊາຊົນຈີນທີ່ຮ່ວມປະຊຸມເວົ້າວ່າ,ກົດໝາຍພື້ນຖານລະບຸໄວ້ວ່າໃຫ້"ຊາວຮົງກົງປົກຄອງຮົງກົງ","ຊາວມາກາວປົກຄອງມາກາວ",ປົກຄອງຕົນເອງໃນລະດັບສູງນັ້ນ,ໄດ້ເຮັດໃຫ້ພີ່ນ້ອງຮ່ວມຊາດຮົງກົງແລະມາກາວໄດ້ຮັບສິດປະຊາທິປະໄຕທີ່ເປັນເຈົ້າຂອງບ້ານເມືອງ,ພີ່ນ້ອງຮ່ວມຊາດຮົງກົງມາກາວບໍ່ພຽງແຕ່ສາມາດປົກຄອງຮົງກົງແລະມາກາວທໍ່ນັ້ນ,ຫາກຍັງສາມາດປົກຄອງປະເທດອີກດ້ວຍ,ນີ້ແມ່ນປະຊາທິປະໄຕທີ່ໃຫຍ່ທີ່ສຸດ.
ໃນງານສຳມະນາ ທ່ານເຈິ່ງເຕິເສິງ ທີ່ປຶກສາໜ່ວຍງານນະໂຍບາຍສູນກາງຂອງອົງການປົກຄອງເຂດພິເສດຮົງກົງເວົ້າວ່າ,ໃນຂະບວນການວາງກົດໝາຍພື້ນຖານໄດ້ຮັບຟັງແລະຮັບເອົາຄວາມເຫັນຕ່າງກັນຈາກຫຼາຍຝ່າຍ,ໄດ້ສ່ອງແສງໃຫ້ເຫັນຈິດໃຈທີ່ສະແຫວງສິ່ງທີ່ຄືກັນ ສະຫງວນສິ່ງທີ່ຕ່າງກັນ ໂອບອ້ອມອາລີແລະເຫັນໃຈກັນ.
ໃນງານສຳມະນາ,ທ່ານຮວງຈື່ລຽນ ສາດສະດາຈານມະຫາວິທະຍາໄລວິທະຍາສາດເຕັກນິກມາກາວຊີ້ອອກວ່າ,ກົດໝາຍພື້ນຖານໄດ້ສະໜອງຊ່ອງຫວ່າງອັນກວ້າງຂວາງກວ່າເກົ່າແກ່ໃຫ້ການພັດທະນາເສດຖະກິດຂອງຮົງກົງແລະມາກາວ.
|
|
