|
ໃນເກືອບ 15 ປີມານີ້,ຈີນກວ້ານຊື້ວິສາຫະກິດຢູ່ພົ້ນທະເລຫຼາຍກວ່າໝູ່ໃນອາຊີ
cri
Author: da
ຕາມຂ່າວCRI: ວັນທີ 27 ເມສາ ຢູ່ປັກກິ່ງ ທ່ານຮາລິນ ຮາມດານີ ຫົວໜ້າກົມລົງທຶນຂອງກອງປະຊຸມການຄ້າແລະການພັດທະນາຂອງສະຫະປະຊາຊາດເວົ້າວ່າ,ແຕ່ປີ 1990 ຮອດປີ 2005,ບໍລິສັດຈີນໄດ້ສຳເລັດໂຄງການກວ້ານຊື້ຢູ່ພົ້ນທະເລ 277 ເທື່ອເປັນຢ່າງໜ້ອຍ,ຢູ່ໃນອັນດັບໜຶ່ງຂອງອາຊີ.
ທ່ານຮາມດານີແມ່ນໃຫ້ທັດສະນະດັ່ງກ່າວໃນເວທີປາໄສສາກົນ"ເດີນອອກໄປ"ຂອງວິສາຫະກິດຈີນ.ທ່ານເວົ້າວ່າ,ຄຽງຄູ່ກັບເສດຖະກິດຈີນເຕີບໂຕຢ່າງວ່ອງໄວ,ຄວາມສາມາດຂອງຈີນໃນການລົງທຶນຢູ່ພົ້ນທະເລໄດ້ເພີ່ມຂຶ້ນເປັນກ້າວໆ.ປີກາຍນີ້,ການກວ້ານຊື້ຂອງຈີນໃນປະເທດພັດທະນາໄດ້ເພີ່ມຂຶ້ນຢ່າງໄວວາ,ລື່ນກາຍການລົງທຶນຢູ່ປະເທດພວມພັດທະນາ.ທິດການລົງທຶນຕໍ່ຕ່າງປະເທດຂອງຈີນ,ແມ່ນຈັດຊື້ເອົາຜະລິດຕະພັນທີ່ມີຊື່ສຽງ ເຕັກນິກວິທະຍາສາດແລະເຄື່ອງປະກອບຜະລິດຕະພັນເປັນຕົ້ນ.
|
|
