|
|
 |
| (GMT+08:00)
2006-04-27 20:31:53
|
 |
|
ຝ່າຍຈີນມີເຈດຈຳນົງໃຫ້ແກ້ໄຂບັນຫານິວເຄຼຍອີຣານຢ່າງເໝາະສົມດ້ວຍວິທີເຈລະຈາກັນ
cri
Author: da
ຕາມຂ່າວCRI:ວັນທີ 27 ເມສາ ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຊິນກ່າງ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນເຫັນວ່າ ການແກ້ໄຂບັນຫານິວເຄຼຍອີຣານດ້ວຍຮູບການເຈລະຈາກັນທາງການທູດ,ແມ່ນການຄັດເລືອກທີ່ຖືກຕ້ອງ,ທັງສອດຄ່ອງກັບຜົນປະໂຫຍດຂອງບັນດາຝ່າຍທີ່ກ່ຽວຂ້ອງ.
ອີງຕາມຄວາມຮຽກຮ້ອງຂອງຖະແຫຼງການຂອງປະທານສະພາມົນຕີຄວາມໝັ້ນຄົງສະຫະປະຊາຊາດ,ວັນທີ 28 ເມສາ ທ່ານບາລາດີ ຜູ້ອຳນວຍການໃຫຍ່ຂອງອົງການພະລັງງານປະລະມານູສາກົນຈະຍື່ນບົດລາຍງານສະບັບໃໝ່ກ່ຽວກັບບັນຫານິວເຄຼຍອີຣານໃຫ້ສະພາມົນຕີຂອງອົງການດັ່ງກ່າວແລະສະພາມົນຕີຄວາມໝັ້ນຄົງສະຫະປະຊາຊາດ.ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ ທ່ານຊິນກ່າງເວົ້າວ່າ,ຝ່າຍຈີນເຫັນວ່າ ບັນຫານິວເຄຼຍອີຣານພວມຢູ່ໃນໄລຍະຫົວລ້ຽວຫົວຕໍ່,ຝ່າຍຈີນເອົາໃຈໃສ່ຢ່າງໃກ້ຊິດນຳບົດລາຍງານສະບັບນີ້,ຄອງຄອຍໃຫ້ບົດລາຍງານໄດ້ຮັບການປະເມີນຢ່າງພາວະວິໄສແລະຮອບດ້ານກ່ຽວກັບແຜນການນິວເຄຼຍຂອງອີຣານ.ຝ່າຍຈີນເຫັນວ່າ ຄວາມພະຍາຍາມຂອງປະຊາຄົມໂລກ ຊຶ່ງລວມທັງຄະນະມົນຕີຄວາມໝັ້ນຄົງສະຫະປະຊາຊາດກ່ຽວພັນ,ຄວນຈະຊ່ອຍໃຫ້ອົງການພະລັງງານປະລະມານູສາກົນມີທິດທິພົນແລະບັງເກີດຜົນຫຼາຍກວ່າເກົ່າ,ຄວນຈະຊ່ອຍແກ້ໄຂບັນຫານິວເຄຼຍອີຣານຢ່າງເໝາະສົມ.
|
|
|
