|
|
 |
| (GMT+08:00)
2006-04-28 20:32:37
|
 |
|
ຈີນພິມຈຳໜ່າຍ"ປຶ້ມທິດຊີ້ນຳການກ່າວຟ້ອງທາງບໍລິຫານກ່ຽວກັບລິຂະສິດ"ເພື່ອຊຸກຍູ້ການປົກປ້ອງສິດປະພັນ
cri
Author: da
ຕາມຂ່າວCRI:ວັນທີ 28 ເມສາ ກົມລິຂະສິດແຫ່ງຊາດຈີນໄດ້ປະກາດ"ປຶ້ມທິດຊີ້ນຳການກ່າວຟ້ອງທາງບໍລິຫານກ່ຽວກັບລິຂະສິດ"ສະບັບພາສາຈີນແລະພາສາອັງກິດຢ່າງເປັນທາງການ,ຊີ້ນຳໃຫ້ຜູ້ມີສິດປະພັນແລະຜູ້ມີສິດກ່ຽວພັນກັບລິຂະສິດ ເຮັດແນວໃດກ່າວຟ້ອງອົງການບໍລິຫານກ່ຽວກັບການລ່ວງສິດ.
"ປຶ້ມຊີ້ນຳ"ສະບັບນີ້ຊີ້ອອກວ່າ,ຄົນມີສິດເມື່ອຖືກລ່ວງສິດແລ້ວ,ໃຫ້ໄປກ່າວຟ້ອງຕໍ່ຂະແໜງການຄຸ້ມຄອງບໍລິຫານລິຂະສິດຢູ່ບ່ອນກະທຳການລ່ວງສິດແລະບ່ອນເກີດເຫດການລ່ວງສິດ,ການກ່າວຟ້ອງຄວນສະເໜີອອກພາຍໃນ 2 ປີແຕ່ວັນເກີດການລ່ວງສິດ,ຖ້າພາກສ່ວນເອກະສານກ່າວຟ້ອງເປັນລາຍລັກອັກສອນຫາກແມ່ນພາສາຕ່າງປະເທດ,ຄວນມີບົດແປເປັນພາສາຈີນແນບໄປພ້ອມ.
ເຈົ້າໜ້າທີ່ກົມລິຂະສິດແຫ່ງຊາດກ່າວວ່າ,"ປຶ້ມຊີ້ນຳ"ໄດ້ຊີ້ບອກຊ່ອງທາງປົກປ້ອງລິຂະສິດຢູ່ຈີນໃຫ້ບຸກຄົນຜູ້ມີສິດ ໂດຍສະເພາະແມ່ນຄົນຕ່າງປະເທດຜູ້ມີສິດ,ສາມາດປົກປ້ອງສິດແລະຜົນປະໂຫຍດຂອງບຸກຄົນຜູ້ມີສິດດີກວ່າເກົ່າ.
|
|
|
