ຕາມ​ຂ່າວ​ສານ​ຊິນ​ຮວາ:ວັນ​ທີ29​ເມສາ,ນັກ​ຂ່າວ​ໄດ້​ຊາບ​ຈາກ​ປັກ​ກິ່ງ​ວ່າ,ປີ​ນີ້,ການ​ເງິນ​ສູນ​ກາງ​ຈີນ​ໄດ້ຈັດວາງ​ເງິນອຸດ​ໝູນ600​ລ້ານ​ຢວນ​ເພື່ອ​ອົບຮົມ​ກຳມະ​ກອນ​ທີ່​ມາ​ຈາກ​ຊົນ​ນະ​ບົດ,ຈະ​ດຳ​ເນີນ​ການ​ອົບຮົມທີ່​ມີ​ລັກ​ສະນະ​ແບບຢ່າງ​ຕໍ່​ກຳມະ​ກອນ​ທີ່​ມາ​ຈາກ​ຊົນນະ​ບົດ3​ລ້ານ5​ແສນ​ຄົນ.

ຕາມ​ບຸກຄົນ​ທີ່​ກ່ຽວຂ້ອງ​ທີ່​ຮັບ​ຜິດ​ຊອບ​ການອົບຮົມຍ້າຍ​ແຮງ​ງານ​ຊົນນະບົດ​ແນະນຳ​ວ່າ,ຈຸດໜັກ​ຂອງການ​ອົບຮົມ​ໃນປີນີ້​ແມ່ນ​ອຸດ​ສາຫະ​ການກຳ​ຜະລິດ,ກໍ່​ສ້າງແລະ​ການ​ບໍລິ​ການ​ເປັນຕົ້ນ​ເຊິ່ງກຳ​ມະ​ກອນທີ່ມາ​ຈາກ​ຊົນນະ​ບົດ​ປະກອບ​ອາຊີບ​ຂ້ອນ​ຂ້າງ​ຫຼາຍ.ແຫ່ງ​ຕ່າງໆຈະ​ຮັບປະ​ກັນເວ​ລາອົບຮົມ​ຂອງ​ຜູ້ຮຽນ​ບໍ່ໜ້ອຍ​ກວ່າ15ມື້.ການອົບ​ຮົມຍັງ​ກ່ຽວ​ພັນ​ເຖິງ​ເນື້ອ​ໃນ​ຕ່າງໆ ​ເຊັ່ນ,ປົກ​ປັກ​ຮັກສາ​ສິດຜົນປະ​ໂຫຍດພື້ນ​ຖານ,ຄວາມ​ຮູ້​ຮອບ​ຕົວ​ດ້ານຊີ​ວິດ​ການ​ເປັນ​ຢູ່​ໃນ​ຕົວ​ເມືອງ​ແລະ​ການຜະ​ລິດຢ່າງ​ປອດ​ໄພ​ເປັນ​ຕົ້ນ.