|
|
 |
| (GMT+08:00)
2006-05-02 17:57:10
|
 |
|
ມວນຊົນແຫ່ງຕ່າງໆຂອງຈີນສະຫຼອງວັນກຳມະກອນສາກົນຢ່າງມ່ວນຊື່ນ
cri
Author: da
ຕາມຂ່າວສານຊິນຮວາ: ໃນວັນກຳມະກອນສາກົນ,ມວນຊົນແຫ່ງຕ່າງໆແລະຊົນເຜົ່າຕ່າງໆຂອງຈີນໄດ້ສະຫຼອງວັນບຸນຜູ້ອອກແຮງງານຂອງຕົນດ້ວຍການເຄື່ອນໄຫວທີ່ອຸດົມສົມບູນ.
ຢູ່ຊຽງໄຮ້ ເມືອງພາກຕາເວັນອອກຂອງຈີນ,ພະນັກງານ 1700 ກວ່າຄົນໄດ້ຈັດງານຮ້ອງເພງຢູ່ຕາມຖະໜົນຫົນທາງ.ຢູ່ແຂວງກວາງຕຸ້ງ ພາກໃຕ້ຂອງຈີນທີ່ມີກຳມະກອນຊົນນະບົດມາເຮັດວຽກຫຼາຍກວ່າໝູ່,ຂະແໜງການທີ່ກ່ຽວຂ້ອງໄດ້ຈັດການແຂ່ງຂັນບານບ້ວງ ການສະແດງສິລະປະວັດທະນະທຳ ແລະການເຄື່ອນໄຫວກາລາໂອເກຟີເປັນຕົ້ນໃຫ້ກຳມະກອນຊົນນະບົດ,ເຮັດໃຫ້ຊີວິດການເປັນຢູ່ໃນວັນບຸນຂອງກຳມະກອນຊົນນະບົດອຸດົມສົມບູນ.ຢູ່ເມືອງຫູ່ເຫີຮ້າວເທີ້ ເຂດມົງໂກໃນປົກຄອງຕົນເອງ ພາກເໜືອຂອງຈີນ,ມວນຊົນຊົນເຜົ່າຕ່າງໆຄືເຜົ່າມົງໂກນ ເຜົ່າຮັ້ນ ເຜົ່າໂຫຍແລະເຜົ່າໝານເປັນຕົ້ນລວມ 300 ກວ່າຄົນໄດ້ຈັດຕັ້ງເປັນທິມຟ້ອນຢາງເກີຜູ້ເຖົ້າ ທິມກອງແອວແລະທິມກັງຟູຂອງ 13 ຄຸ້ມສັງຄົມ,ນຸ່ງຊຸດຍາມບຸນເຂົ້າຮ່ວມ"ງານສະແດງສິລະປະວັດທະນະທຳສະຫຼອງວັນກຳມະກອນສາກົນ".
ໃນໄລຍະວັນບຸນ,ຜູ້ອອກແຮງງານໃນຫຼາຍແຫ່ງຂອງຈີນຄືປັກກິ່ງ ທຽນສິນ ຊ່ານຕົງແລະເຈີ້ຈ່ຽງເປັນຕົ້ນກໍໄດ້ສະຫຼອງວັນກຳມະກອນສາກົນດ້ວຍຮູບການພິເສດຂອງຕົນ.
|
|
|
