|
ໃນ 6 ເດືອນຕົ້ນປີນີ້ ທະນາຄານໂລກຈະເລີ່ມປະຕິບັດໂຄງການສ້າງສາຊີວະພາບໃນ 4 ແຂວງແລະນະຄອນຂອງຈີນ
cri
Author: min
ຕາມຂ່າວສານຊິນຮວາ: ຕາມບົດບັນທຶກຂອງທະນາຄານໂລກ, ໂຄງການສ້າງສາຊີວະພາບຢູ່ແຂວງຢຸນນານ, ນະຄອນກຸ້ຍໂຈ່ວ, ແຂວງຮູເປີຍ, ແລະນະຄອນຈຸງກິງຂອງຈີນທີ່ທະນາຄານໂລກສະໜັບສະໜູນນັ້ນຈະເລີ່ມປະຕິບັດໃນ6 ເດືອນຕົ້ນປີນີ້.
ໂຄງການນີ້ພົວພັນເຖິງ 38 ເມືອງຂອງ 4 ແຂວງແລະນະຄອນດັ່ງກ່າວ,ກວມເຂດລ້ອງແມ່ນ້ຳຢາງເຊຈຽງແລະແມ່ນ້ຳຈູ່ຈ່ຽງ, ມີແຜນນຳໃຊ້ເງິນກູ້ 100 ລ້ານໂດລາສະຫະລັດຂອງທະນາຄານໂລກ, ພາຍໃນປະເທດຈີນເອງຈະສົມທົບເງິນຈຳນວນທໍ່ກັນ, ແບ່ງອອກເປັນເວລາ 6 ປີປົວແປງນ້ຳເຊາະດິນເຈື່ອນຢ່າງສັງລວມ.
ຕາມໄດ້ຊາບ, ເຂດດັ່ງກ່າວຖືກຜົນກະທົບຈາກທຳມະຊາດແລະການເຄື່ອນໄຫວຂອງມວນມະນຸດຊີວະພາບ, ສິ່ງແວດລ້ອມອ່ອນຫຼາຍ, ເນື້ອທີ່ນ້ຳເຊາະດິນເຈື່ອນກວມເອົາເນື້ອທີ່ທັງໝົດເກືອບເຄິ່ງໜຶ່ງ.
|
|
