|
ຈີນຈະຊຸກຍູ້ພາລະກິດສິດທິມະນຸດຂອງປະເທດຕົນຢ່າງຮອບດ້ານ,ຕັ້ງໜ້າປະຕິບັດພັນທະຂອງສົນທິສັນຍາສິດທິມະນຸດສາກົນ
cri
Author: da
ຕາມຂ່າວສານຊິນຮວາ:ວັນທີ 10 ພຶດສະພາ ຢູ່ປັກກິ່ງ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນເວົ້າວ່າ,ລັດຖະບານຈີນຈະຊຸກຍູ້ພາລະກິດສິດທິມະນຸດຂອງປະເທດຕົນຢ່າງຮອບດ້ານ,ຕັ້ງໜ້າປະຕິບັດພັນທະຂອງສົນທິສັນຍາສິດທິມະນຸດສາກົນໂດຍອີງຕາມຫຼັກການລັດຖະທຳມະນູນທີ່ລັດໂຄລົບແລະຮັບປະກັນສິດທິມະນຸດ.
ໃນກອງປະຊຸມໃຫຍ່ສະຫະປະຊາຊາດຄັ້ງທີ 60 ທີ່ຈັດຂຶ້ນຢູ່ນິວຢອກໃນວັນທີ 9 ພຶດສະພາ,ຈີນໄດ້ຮັບເລືອກຕັ້ງເປັນສະມາຊິກສະພາສິດທິມະນຸດຊຸດປະຖົມມະເລີກ.
ເນື່ອງໃນໂອກາດນີ້,ທ່ານລິວຈ້ຽນຊ່າວໄດ້ໃຫ້ສຳພາດວ່າ,ລັດຖະບານຈີນທຸ່ມເທກຳລັງຊຸກຍູ້ແລະປົກປັກຮັກສາສິດທິມະນຸດແລະເສລີພາບພື້ນຖານຂອງປະຊາຊົນປະເທດຕົນ,ຕັ້ງໜ້າດຳເນີນການສົນທະນາແລະຮ່ວມມືໃນຂົງເຂດສິດທິມະນຸດສາກົນ.ຈີນສະໜັບສະໜູນແລະໄດ້ປະກອບສ່ວນອັນຕັ້ງໜ້າເຂົ້າໃນສະພາສິດທິມະນຸດສະຫະປະຊາຊາດ .
ທ່ານເວົ້າວ່າ,ຈີນຈະພ້ອມກັບສະມາຊິກສະພາອື່ນໆ,ຊຸກຍູ້ສະພາມົນຕີໂຄລົບເບື້ອງຫຼັງທາງປະຫວັດສາດ ວັດທະນະທຳແລະສາສະໜາຂອງບັນດາປະເທດແລະເຂດແຄວ້ນ,ຊຸກຍູ້ການສົນທະນາລະຫວ່າງອະລະຍະທຳ ວັດທະນະທຳແລະສາສະໜາທີ່ຕ່າງກັນ,ເອົາໃຈໃສ່ນຳສິດການເມືອງ ແລະສິດເສດຖະກິດ ສັງຄົມແລະວັດທະນະທຳຂອງພົນລະເມືອງໃນລະດັບເທົ່າທຽບກັນຊຳລະແກ້ໄຂບັນຫາສິດທິມະນຸດຢ່າງທ່ຽງທຳ ພາວະວິໄສແລະຮູບການບໍ່ຄັດເລືອກ,ປະກອບສ່ວນເຂົ້າໃນຄວາມກ້າວໜ້າຂອງພາລະກິດສິດທິມະນຸດສາກົນ.
|
|
