|
|
 |
| (GMT+08:00)
2006-05-13 18:17:28
|
 |
|
ຈີນອອກແຮງສ້າງແທ່ນໃໝ່ແຫ່ງການແລກປ່ຽນວັດທະນະທຳແລະການຄ້າລິກຂະສິດກັບຕ່າງປະເທດ
cri
Author: da
ຕາມຂ່າວສານຊິນຮວາ:ວັນທີ 12 ພຶດສະພາ ງານຊຸກຍູ້ການຮ່ວມມືສາກົນດ້ານລິກຂະສິດຈີນຄັ້ງປະຖົມມະເລີກໄດ້ຈັດຂຶ້ນຢູ່ເມືອງຊາງຊ່າ ພາກໃຕ້ຂອງຈີນ.ທ່ານລົງຊິ່ນມິນ ຫົວໜ້າກົມລິກຂະສິດແຫ່ງຊາດຈີນເວົ້າວ່າ,ການຈັດໃຫ້ມີການເຄື່ອນໄຫວເທື່ອນີ້ແມ່ນເພື່ອສ້າງແທ່ນຄ້າຂາຍຊຸກຍູ້ການແລກປ່ຽນວັດທະນະທຳແລະການຄ້າລິກຂະສິດລະຫວ່າງຈີນກັບຕ່າງປະເທດ.
ຕາມໄດ້ຊາບ,ນີ້ແມ່ນກອງປະຊຸມແລະງານວາງສະແດງປະຈຳຊຶ່ງຖືການຮ່ວມມືແລະການຄ້າທາງລິກຂະສິດເປັນການນຳທາງທີ່ຈີນຈັດຂຶ້ນເປັນຄັ້ງທຳອິດ.ທ່ານລົງຊິ່ນມິນເວົ້າວ່າ,ລັດຖະບານຈີນເອົາໃຈໃສ່ໃນລະດັບສູງຕໍ່ວຽກງານສິດຊັບສິນທາງປັນຍາຊິ່ງລວມທັງລິກຂະສິດ,ການເພີ່ມທະວີການຮ່ວມມືສາກົນໃນດ້ານປົກປັກຮັກສາສິດຊັບສິນທາງປັນຍາແມ່ນມາດຕະການສຳຄັນລາຍໜຶ່ງຂອງລັດຖະບານຈີນ.
ໃນຖານເປັນອົງການຈັດກອງປະຊຸມແລະວາງສະແດງເປັນປະຈຳ,ໜ້າທີ່ຕົ້ນຕໍຂອງງານຊຸກຍູ້ການຮ່ວມມືສາກົນດ້ານລິກຂະສິດຂອງຈີນກໍແມ່ນຈັດເວທີປາໄສສຸດຍອດກ່ຽວກັບລິກຂະສິດ ຈັດງານວາງສະແດງກ່ຽວກັບລິກຂະສິດແລະການຄ້າລິກຂະສິດຂັ້ນສາກົນ,ອົງການດັ່ງກ່າວຈັດຂຶ້ນປີລະເທື່ອ,ແລະຕັ້ງຢູ່ສູນການຄ້າສິ່ງພິມຊາງຊ່າ.
|
|
|
