|
ພົບປະລັດຖະມົນຕີການຕ່າງປະເທດກຽດກີຊີສະຕັງ
ຕາມຂ່າວCRI: ວັນທີ 15 ພຶດສະພາ ຢູ່ຊຽງໄຮ້ ທ່ານຫຼີຈ້າວຊິງ ລັດຖະມົນຕີການຕ່າງປະເທດຈີນເວົ້າວ່າ,ຈີນຍິນດີພ້ອມກັບອຸສເບກີສະຕັງ ກຽດກີຊີສະຕັງແລະຮາຊັກສະຕັງສືບຕໍ່ສະໜັບສະໜູນກັນໃນບັນຫາສຳຄັນຕ່າງໆທີ່ກ່ຽວພັນເຖິງຄວາມເປັນເອກະລາດ ອະທິປະໄຕແລະຜືນແຜ່ນດິນອັນຄົບຖ້ວນ,ຮັກສາການໄປມາຫາສູ່ກັນລະດັບສູງ,ເພີ່ມທະວີຄວາມໄວ້ເນື້ອເຊື່ອໃຈທາງການເມືອງເຊິ່ງກັນແລະກັນ,ເປີດກວ້າງການແລກປ່ຽນແລະຮ່ວມມືກັນໃນຂົງເຂດເສດຖະກິດການຄ້າແລະວັດທະນະທຳເປັນຕົ້ນ.
ພົບປະລັດຖະມົນຕີການຕ່າງປະເທດອຸສເບກີສະຕັງ
ມື້ດຽວກັນ,ທ່ານຫຼີຈ້າວຊິງໄດ້ພົບປະທ່ານການີເຢັຟ ລັດຖະມົນຕີການຕ່າງປະເທດອຸສເບກີສະຕັງ,ທ່ານເຈັກເຊັນຄູໂຣຟ ລັດຖະມົນຕີການຕ່າງປະເທດກຽດກີຊີສະຕັງແລະທ່ານຈາຄາເຢັຟ ລັດຖະມົນຕີການຕ່າງປະເທດຮາຊັກສະຕັງທີ່ມາເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງປະເທດສະມາຊິກອົງການຮ່ວມມືຊຽງໄຮ້ປີ 2006 .ທ່ານຫຼີຈ້າວຊິງໄດ້ແລກປ່ຽນຄວາມເຫັນກັບລັດຖະມົນຕີການຕ່າງປະເທດສາມທ່ານດັ່ງກ່າວກ່ຽວກັບສະຖານະການພາກພື້ນ ຊຸກຍູ້ການຮ່ວມມືຕົວຈິງລະຫວ່າງບັນດາປະເທດສະມາຊິກອົງການຮ່ວມມືຊຽງໄຮ້ ວຽກງານກະກຽມກອງປະຊຸມສຸດຍອດອົງການຮ່ວມມືຊຽງໄຮ້ທີ່ຈະຈັດຂຶ້ນໃນເດືອນມິຖຸນາ,ບັນດາຝ່າຍເຫັນດີສືບຕໍ່ເພີ່ມທະວີການແລກປ່ຽນແລະປະສານງານລະຫວ່າງທະວີພາຄີແລະພາຍໃນຂອບອົງການດັ່ງກ່າວ,ປົກປັກຮັກສາຄວາມປອດໄພແລະສະຖຽນລະພາບຂອງພາກພື້ນແຫ່ງນີ້,ຊຸກຍູ້ໃຫ້ການພັດທະນາແລະຈະເລີນຮຸ່ງເຮືອງພ້ອມກັນ.
ພົບປະລັດຖະມົນຕີານຕ່າງປະເທດຕາກີສະຕັງ
|
