|
|
 |
| (GMT+08:00)
2006-05-16 17:10:42
|
 |
|
ຈີນກັບສະຫະພາບເອີລົບຈັດການສົນທະນາດ້ານການເງິນຢູ່ປັກກິ່ງ
cri
ຕາມຂ່າວສານຊີນຮວາ: ວັນທີ 15 ພຶດສະພາ, ຢູ່ທີ່ປັກກິ່ງ, ເຈົ້າໜ້າໜ້າຮັບຜິດຊອບການເງິນແລະການທະນາຄານຂອງຈີນແລະສະຫະພາບເອີລົບໄດ້ຈັດການສົນທະນາການເງິນຄັ້ງທີ 2 ຢູ່ທີ່ປັກກິ່ງ, ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບຫົວຂໍ້ຕ່າງໆເຊັ່ນ: ສະຖານະການເສດຖະກິດມະຫາພາກກັບການຈ້ອງມອງ, ນະໂຍບາຍການເງິນແລະເງິນຕາ, ນະໂຍບາຍອັດຕາແລກປ່ຽນເງິນຕາເປັນຕົ້ນ.
ໃນເວລາໃຫ້ສຳພາດຕໍ່ນັກຂ່າວ, ທ່ານຈູກວງຢ້າວ ຫົວໜ້າກົມສາກົນຂອງກະຊວງການເງິນຈີນເວົ້າວ່າ, ສະຫະພາບເອີລົບແມ່ນຄູ່ຂາການຄ້າໃຫຍ່ກວ່າໝູ່ຂອງຈີນ, ຈີນແມ່ນຄູ່ຂາການຄ້າໃຫຍ່ທີສອງຂອງສະຫະພາບເອີລົບ. ຈີນແລະສະຫະພາບເອີລົບໃນຖານເປັນສອງອົງກອນເສດຖະກິດທີ່ມີຜົນສະທ້ອນສຳຄັນຕໍ່ເສດຖະກິດທົ່ວໂລກ, ການເພີ່ມທະວີການແລກປ່ຽນແລະຮ່ວມມືໃນຂົງເຂດການເງິນການທະນາຄານໃຕ້ເບື້ອງຫຼັງເສດຖະກິດໂລກາວິວັດ. ນັ້ນມີຜົນດີຕໍ່ສອງຝ່າຍເພີ່ມຄວາມເຂົ້າໃຈກັນ, ເປີດກວ້າງຄວາມຮັບຮູ້ຄືກັນ, ເພີ່ມທະວີການຮ່ວມມືກັນ; ພ້ອມທັງມີຜົນດີຕໍ່ເສດຖະກິດໂລກພັດທະນາຢ່າງສືບເນື່ອງ ປອດໃສແລະໝັ້ນທ່ຽງ.
ທ່ານເວົ້າວ່າ, ຈີນຫວັງໃຫ້ສະຫະພາບເອີລົບຮັບຮອງຖານະເສດຖະກິດຕະຫຼາດຂອງຈີນໂດຍໄວເທົ່າທີ່ຈະໄວໄດ້.
|
|
|
