|
|
 |
| (GMT+08:00)
2006-05-16 18:49:12
|
 |
|
ທ່ານຫູຈິນທາວຫວັງໃຫ້ການຮ່ວມມືລະຫວ່າງຈີນກັບຣັດເຊຍໃນຂົງເຂດເສດຖະກິດການຄ້າແລະພະລັງງານເປັນຕົ້ນແຕກດອກອອກຜົນໄວ
cri
Author: da
ຕາມຂ່າວCRI:ວັນທີ 16 ພຶດສະພາ ຢູ່ປັກກິ່ງ ທ່ານຫູຈິນທາວ ປະທານປະເທດຈີນເວົ້າວ່າ,ຫວັງໃຫ້ຂະແໜງການທີ່ກ່ຽວຂ້ອງຂອງຈີນກັບຣັດເຊຍຈົ່ງຊຸກຍູ້ໃຫ້ສອງຝ່າຍຮ່ວມມືກັນໃນໂຄງການໃຫຍ່ໃນຂົງເຂດເສດຖະກິດການຄ້າ ພະລັງງານແລະໄຮເຕັກ,ຍາດແຍ່ງແຕກດອກອອກຜົນໄວແລະຮັບປະສິດທິຜົນໄວ.
ໃນເວລາພົບປະທ່ານລັຟລົຟ ລັດຖະມົນຕີການຕ່າງປະເທດຣັດເຊຍ,ທ່ານຫູຈີນທາວເວົ້າວ່າ,ຫວັງໃຫ້ຂະແໜງການທີ່ກ່ຽວຂ້ອງຂອງສອງປະເທດຕັ້ງໜ້າປະຕິບັດຄວາມຮັບຮູ້ຄືກັນທີ່ສຳຄັນທີ່ຜູ້ນຳສອງປະເທດກ້າວເຖິງຂັ້ນຕົກລົງກັນໃນເດືອນມີນາປີນີ້,ພ້ອມກັນຈັດການເຄື່ອນໄຫວ"ປີປະເທດ"ໃຫ້ດີ;ຮັກສາການຮ່ວມມືທີ່ດີງາມລະຫວ່າງສອງປະເທດໃນວຽກງານພະຫຸພາຄີໃນສາກົນແລະໃນພາກພື້ນ,ພ້ອມກັບປະເທດສະມາຊິກອື່ນຂອງອົງການຮ່ວມມືຊຽງໄຮ້ຈັດກອງປະຊຸມສຸດຍອດອົງການຮ່ວມມືຊຽງໄຮ້ທີ່ຈະຈັດຂຶ້ນໃນເດືອນໜ້າໃຫ້ດີ.
ທ່ານລັຟລົຟເວົ້າວ່າ,ຝ່າຍຣັດເຊຍຍິນດີພ້ອມກັບຝ່າຍຈີນຕັ້ງໜ້າຊຸກຍູ້ການແລກປ່ຽນແລະຮ່ວມມືກັນ,ກະກຽມການເຄື່ອນໄຫວ"ປີຈີນ"ທີ່ຈະຈັດຂຶ້ນຢູ່ຣັດເຊຍໃນປີໜ້າໃຫ້ດີ,ຮັກສາການປຶກສາຫາລືແລະປະສານງານຢ່າງແໜ້ນແຟ້ນໃນບັນຫາສາກົນແລະພາກພື້ນທີ່ສຳຄັນ,ເພີ່ມທະວີການຮ່ວມມືພາຍໃນຂອບອົງການຮ່ວມມືຊຽງໄຮ້.
ມື້ດຽວກັນ,ທ່ານຫຼີຈ້າວຊິງ ລັດຖະມົນຕີການຕ່າງປະເທດຈີນໄດ້ເຈລະຈາກັບທ່ານລັຟລົຟ.
|
|
|
