|
|
 |
| (GMT+08:00)
2006-05-16 20:26:18
|
 |
|
ຈີນຍ້ອງຍໍຫຼັກໝັ້ນຂອງສະຫະພາບເອີລົບທີ່ທຸ່ມເຫື່ອເທແຮງແກ້ໄຂບັນຫານິວເຄຼຍອີຣານໂດຍຜ່ານການເຈລະຈາ
cri
Author: da
ຕາມຂ່າວCRI:ວັນທີ 16 ພຶດສະພາ ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນຍ້ອງຍໍຫຼັກໝັ້ນຂອງສະຫະພາບເອີລົບທີ່ທຸ່ມເຫື່ອເທແຮງແກ້ໄຂບັນຫານິວເຄຼຍອີຣານໂດຍຜ່ານການເຈລະຈາ.
ກ່ຽວກັບສື່ມວນຊົນແຈ້ງຂ່າວເຢຍລະມັນ ອັງກິດ ຝຣັ່ງສະເໜີແຜນການພວງໜຶ່ງເພື່ອແກ້ໄຂບັນຫານິວເຄຼຍອີຣານ,ທ່ານລິວຈ້ຽນຊ່າວເວົ້າວ່າ,ຝ່າຍຈີນຫວັງໃຫ້ສະຫະພາບເອີລົບສະເໜີແຜນການພວງໜຶ່ງທີ່ສົມເຫດສົມຜົນ ຮອບດ້ານແລະສະໝ່ຳສະເໝີ,ແລະຟື້ນຟູການເຈລະຈາກັບອີຣານບົນພື້ນຖານດັ່ງກ່າວໂດຍໄວເທົ່າທີ່ຈະໄວໄດ້.ພ້ອມກັນນັ້ນ ທ່ານຮຽກຮ້ອງບັນດາຝ່າຍທີ່ກ່ຽວຂ້ອງຈົ່ງສະແດງທ່າທີອັນຕັ້ງໜ້າເພື່ອຈັດການເຈລະຈາທາງການທູດຮອບໜ້າ.
ມີນັກຂ່າວຖາມວ່າ,ທ່ານອາຮາມາດີ ເນຈາດ ປະທານາທິບໍດີອີຣານຈະເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ້ທີ່ຈະຈັດຂຶ້ນໃນເດືອນໜ້ານັ້ນຫຼືບໍ່,ທ່ານລິວຈ້ຽນຊ່າວເວົ້າວ່າ,ອີຣານແມ່ນປະເທດນັກສັງເກດການຂອງອົງການຮ່ວມມືຊຽງໄຮ້,ກອງປະຊຸມສຳຄັນຂອງອົງການຮ່ວມມືຊຽງໄຮ້ທຸກຄັ້ງກໍຕ້ອງເຊີນຜູ້ນຳປະເທດນັກສັງເກດການເຂົ້າຮ່ວມ,ຈີນໂຄລົບການຕົກລົງຂອງຜູ້ນຳອີຣານ,ຍິນດີຕ້ອນຮັບຜູ້ນຳອີຣານເຂົ້າຮ່ວມກອງປະຊຸມຄັ້ງນີ້.
|
|
|
