|
ຢູ່ເຂື່ອນຊານເຊຍໄດ້ເລີ່ມຖອກເບຕົງງວດສຸດທ້າຍ
cri
|
ຕາມຂ່າວສານຊິນຮວາ, ເວລາ4ໂມງຂອງວັນທີ19ພຶດສະພາ, ກິດຈະການອັດຕະພາບເຂື່ອນຊານເຊຍແມ່ນ້ຳຢ່າງເຊຈີນໄດ້ເລີ່ມຖອກເບຕົງງວດສຸດທ້າຍ, ຄາດວ່າເຂື່ອນຈະສ້າງສຳເລັດໃນວັນທີ20ພຶດສະພາ. ນັບມາຮອດປະຈຸບັນ, ການຖອກເບຕົງໄດ້ດຳເນີນໄປຢ່າງສະດວກ.
ເຂື່ອນຊານເຊຍແມ່ນເຂື່ອນເບຕົງເສີມເຫຼັກທີ່ມີຂະໜາດໃຫຍ່ກວ່າໝູ່ໃນໂລກ, ຕາມການອອກແບບເຂື່ອນຈະສູງ185ແມັດ, ຍາວ2ພັນ3ຮ້ອຍກວ່າແມັດ. ຍອດບໍລິມາກຖອກເບຕົງແມ່ນ26ລ້ານ4ແສນ3ໝື່ນແມັດກ້ອນ, ຂະໜາດກໍ່ສ້າງເປັນທີໜຶ່ງໃນໂລກ.
ກິດຈະການຊານເຊຍແມ່ນກິດຈະການຊຸມຊົນລະປະທານທີ່ໃຫຍ່ກວ່າໝູ່ທີ່ພວມກໍ່ສ້າງໃນໂລກປະຈຸບັນ, ຕັ້ງຢູ່ແມ່ນ້ຳຢ່າງເຊ ແມ່ນ້ຳທີ່ໃຫຍ່ກວ່າໝູ່ຂອງຈີນ. ຕາມແຜນການ, ກິດຈະການດັ່ງກ່າວຈະສ້າງສຳເລັດໝົດໃນປີ2009. ປະຈຸບັນ, ກິດຈະການຊານເຊຍໄດ້ດຳເນີນໄປຢ່າງສະດວກ, ແລະກໍໄດ້ມີປະສິດທິຜົນສັງລວມແລ້ວເຊັ່ນປ້ອງກັນໄພນ້ຳຖ້ວມ, ຜະລິດໄຟຟ້າແລະເດີນເຮືອເປັນຕົ້ນ.
|
|
