|
|
 |
| (GMT+08:00)
2006-05-19 20:28:04
|
 |
|
ເຂດພັດທະນາອຸດສາຫະກຳໄຮເທັກຂອງຈີນພັດທະນາຢ່າງວ່ອງໄວ
cri
Author: da
ຕາມຂ່າວສານຊິນຮວາ: ປີນີ້ແມ່ນປີທີ່ລັດຖະບານຈີນອະນຸມັດໃຫ້ສ້າງຕັ້ງເຂດພັດທະນາອຸດສາຫະກຳໄຮເທັກລະດັບຊາດແລະປະກາດນະໂຍບາຍທີ່ກ່ຽວຂ້ອງຄົບຮອບ 15 ປີ.ໃນ 15 ປີມານີ້, ເຂດພັດທະນາອຸດສາຫະກຳໄຮເທັກຂອງຈີນໄດ້ພັດທະນາຢ່າງວ່ອງໄວ,ອັດຕາເຕີບໂຕສະເລ່ຍຕໍ່ປີຂອງຕົວເລກດັດຊະນີເສດຖະກິດຕົ້ນຕໍລ້ວນແຕ່ລື່ນກາຍ 50%.
ແຕ່ປີ 1991 ເປັນຕົ້ນມາ,ລັດຖະບານຈີນໄດ້ອະນຸມັດໃຫ້ສ້າງຕັ້ງເຂດພັດທະນາອຸດສາຫະກຳໄຮເທັກລະດັບຊາດ 53 ແຫ່ງເປັນລຳດັບ.
ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ເມືອງທຽນສິນໃນວັນທີ 19 ພຶດສະພາ ເຈົ້າໜ້າທີ່ກະຊວງວິທະຍາສາດເຕັກນິກຈີນແນະນຳວ່າ,ເຂດໄຮເທັກລະດັບຊາດໄດ້ບົ່ມເພາະແລະເຕົ້າໂຮມວິສາຫະກິດໄຮເທັກງວດໃຫຍ່,ເມື່ອຮອດທ້າຍປີກາຍນີ້ໄດ້ບັນລຸເກືອບ 3 ໝື່ນ 5 ພັນຫຼັງ,ວິສາຫະກິດຈຳນວນໜຶ່ງທີ່ມີກຳລັງແກ່ງແຍ່ງສາກົນຍັງໄດ້ເຂົ້າສູ່ແຖວໜ້າທີ່ຈີນເດີນໄປສູ່ຕະຫຼາດສາກົນ.ປີກາຍນີ້, ມູນຄ່າສົ່ງອອກຂອງເຂດໄຮເທັກລະດັບຊາດໄດ້ກວມ 14% ຂຶ້ນໄປໃນມາດຕາສ່ວນການສົ່ງອອກຂອງການຄ້າກັບຕ່າງປະເທດຂອງຈີນ.ເຂດໄຮເທັກລະດັບຊາດງວດໃຫຍ່ຍັງໄດ້ຈໍ່ຕົວເປັນການຈັດວາງອຸດສາຫະກຳແລະຝູງວິສາຫະກິດທີ່ມີຈຸດພິເສດຂອງຕົນໃນເບື້ອງຕົ້ນແລ້ວ.
|
|
|
