|
|
 |
| (GMT+08:00)
2006-05-22 16:14:39
|
 |
|
ທ່ານຊາວກ່າງຊ່ວນພົບປະຜູ້ບັນຊາການສູງສຸດກອງທັບໄທ
cri
Author: min
ຕາມຂ່າວສານຊິນຮວາ: ວັນທີ 22 ພຶດສະພາ, ຢູ່ທີ່ປັກກິ່ງ, ທ່ານພົນເອກຊາວກ່າງຊ່ວນ ລັດຖະມົນຕີກະຊວງປ້ອງກັນປະເທດຈີນໄດ້ພົບປະທ່ານເຣືອງໂຣດ ມະຫາສາລານົນ ຜູ້ບັນຊາການສູງສຸດກອງທັບໄທພ້ອມດ້ວຍຄະນະທີ່ມາຢ້ຽມຢາມ.
ທ່ານຊາວກ່າງຊ່ວນເວົ້າວ່າ, ສະເພາະໜ້ານີ້, ການພົວພັນຈີນໄທພວມພັດທະນາກ້າວໄປໜ້າຢ່າງໜັກແໜ້ນ, ຊັ້ນສູງສອງປະເທດໄປມາຫາສູ່ກັນຢ່າງເນື່ອງນິດ, ການແລກປ່ຽນແລະການຮ່ວມມືໃນຂົງເຂດຕ່າງໆ, ຄື ການເມືອງ, ເສດຖະກິດ, ການທະຫານແລະວັດທະນະທຳເປັນຕົ້ນກໍໄດ້ຮັບໝາກຜົນອຸດົມສົມບູນ. ການພັດທະນາຂອງການພົວພັນຈີນໄທບໍ່ພຽງໄດ້ສ້າງຄວາມສຸກໃຫ້ປະຊາຊົນສອງຊາດທໍ່ນັ້ນ, ຍັງໄດ້ຊຸກຍູ້ສັນຕິພາບແລະການພັດທະນາຂອງພາກພື້ນແຫ່ງນີ້.
ລັດຖະບານຈີນຈະສືບຕໍ່ປະຕິບັດທິດທາງປອງດອງກັນກັບປະເທດໃກ້ຄຽງ, ຖືປະເທດໃກ້ຄຽງເປັນເພື່ອນທີ່ດີ, ຈະພ້ອມກັບຝ່າຍໄທເພີ່ມທະວີການປະສານສົມທົບກັນໃນວຽກງານສາກົນແລະພາກພື້ນ, ຊຸກຍູ້ໄມຕີຈິດຮ່ວມມືລະຫວ່າງສອງກອງທັບກ້າວຂຶ້ນສູ່ລະດັບໃໝ່, ຊຸກຍູ້ການຮ່ວມມືຍຸດທະສາດລະຫວ່າງສອງປະເທດກ້າວຂຶ້ນສູ່ລະດັບສູງໃໝ່ຢ່າງຮອບດ້ານ.
ທ່ານເຣືອງໂຣດເວົ້າວ່າ, ໄທຈີນແມ່ນປະເທດໃກ້ຄຽງທີ່ມີໄມຕີຈິດຕໍ່ກັນ, ໄດ້ຮັກສາການພົວພັນໄມຕີຈິດຮ່ວມມືໂດຍຕະຫຼອດໃນໄລຍະຍາວນານມານີ້. ກອງທັບໄທຍິນດີສືບຕໍ່ພັດທະນາການແລກປ່ຽນແລະການຮ່ວມມືກັບກອງທັບຈີນ.
|
|
|
