|
|
 |
| (GMT+08:00)
2006-05-22 18:34:16
|
 |
|
ຈີນເອີລົບເລີ່ມປະຕິບັດໂຄງການຮ່ວມມືຄວາມຫຼາກຫຼາຍຂອງຊີວະຊາດຢ່າງເປັນທາງການ
cri
ຕາມຂ່າວCRI: ວັນທີ 22 ພຶດສະພາແມ່ນວັນສາກົນກ່ຽວກັບຄວາມຫຼາກຫຼາຍຂອງຊີວະຊາດ. ຈີນເອີລົບໄດ້ເລີ່ມປະຕິບັດໂຄງການຮ່ວມມືກ່ຽວກັບຄວາມຫຼາກຫຼາຍຂອງຊີວະຊາດຢ່າງເປັນທາງການຢູ່ທີ່ປັກກິ່ງ. ຕາມສັນຍາ, ສະຫະພາບເອີລົບຈະມອບເງິນ 30 ລ້ານເອີໂລໃຫ້ຈີນເພື່ອໃຊ້ໃນພາລະກິດປົກປັກຮັກສາຄວາມຫຼາກຫຼາຍຂອງຊີວະຊາດຂອງຈີນ.
ໂຄງການດັ່ງກ່າວຈະກິນເວລາ 5 ປີ, ແມ່ນໂຄງການຮ່ວມມືໃຫຍ່ກວ່າໝູ່ລະຫວ່າງຈີນກັບສະຫະພາບເອີລົບໃນຂົງເຂດຄວາມຫຼາກຫຼາຍຂອງຊີວະຊາດ.
ໃນພິທີເລີ່ມປະຕິບັດໂຄງການ, ທ່ານອູສຽວຊິງ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ການປະຕິບັດໂຄງການດັ່ງກ່າວຈະຊ່ອຍຈີນສ້າງລະບົບຕິດຕາມວັດແທກຂໍ້ມູນຂ່າວສານດ້ານການປົກປັກຮັກສາຄວາມຫຼາກຫຼາຍຂອງຊີວະຊາດ, ເພີ່ມທະວີການໂຄສະນາໃນດ້ານປົກປັກຮັກສາຄວາມຫຼາກຫຼາຍຂອງຊີວະຊາດ, ຊຸກຍູ້ການສ້າງລະບົບນະໂຍບາຍແລະກົດໝາຍທີ່ກ່ຽວຂ້ອງໃນການປົກປັກຮັກສາຄວາມຫຼາກຫຼາຍຂອງຊີວະຊາດຈີນ.
|
|
|
