|
|
 |
| (GMT+08:00)
2006-05-23 20:05:48
|
|
ຝ່າຍຕຳຫຼວດຈີນກ່າວວ່າຈະເພີ່ມທະວີການຮ່ວມມືກັບຝ່າຍຕຳຫຼວດຂອງບັນດາປະເທດອາຊຽນຕື່ມອີກ
cri
ຕາມຂ່າວສານຊີນຮວາ: ວັນທີ 23 ພຶດສະພາຢູ່ທີ່ກົວລາລຳເປີ, ທ່ານຈ່າງຊິນເຟີງ ຮອງລັດຖະມົນຕີກະຊວງປ້ອງກັນຄວາມສະຫງົບຈີນກ່າວວ່າ, ຝ່າຍຕຳຫຼວດຈີນຈະເພີ່ມທະວີການຮ່ວມມືກັບຝ່າຍຕຳຫຼວດບັນດາປະເທດອາຊຽນຕື່ມອີກ, ພ້ອມກັນສ້າງກົນໄກຮ່ວມມືປະຕິບັດກົດໝາຍໃນພາກພື້ນທີ່ແໜ້ນແຟ້ນກວ່າເກົ່າ.
ທ່ານຈ່າງຊີນເຟິງແມ່ນໃຫ້ທັດສະນະດັ່ງກ່າວໃນເວລາປະກອບຄຳຄິດຄຳເຫັນໃນກອງປະຊຸມສຸດຍອດຕຳຫຼວດປະເທດອາຊຽນຄັ້ງທີ 26 ທີ່ໄຂຂຶ້ນຢູ່ກົວລາລຳເປີໃນວັນທີ 23 ພຶດສະພາ. ທ່ານກ່າວວ່າ, ກົນໄກກອງປະຊຸມສຸດຍອດຕຳຫຼວດປະເທດອາຊຽນໄດ້ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ການແລກປ່ຽນຂໍ້ມູນຂ່າວສານແລະການຮ່ວມມືປະຕິບັດກົດໝາຍຂອງຝ່າຍຕຳຫຼວດໃນພາກພື້ນຕົນ.
ຫົວໜ້າຫຼືຜູ້ຕາງໜ້າຂອງອົງການຕຳຫຼວດຂອງ 10 ປະເທດອາຊຽນໄດ້ເຂົ້າຮ່ວມກອງປະຊຸມເທື່ອນີ້.
|
|
|
