ຕາມ​ຂ່າວcri:ຜູ້​ຊ່ຽວຊານ​ຈີນ​ທີ່​ເຂົ້າ​ຮ່ວມ​ງານ​ສຳ​ມະ​ນາ​ປ້ອງ​ກັນ​ໄພ​ແລະ​ຫຼຸດ​ໄພ​ຈີນ-ອາຊ​ຽນກ່າວ​ວ່າ,ຈີນຈະ​ເປີດ​ກວ້າງ​ການ​ຮ່ວມ​ມື​ກັບ10ປະ​ເທດ​ອາຊ​ຽນໃນ​ຂົງ​ເຂດປ້ອງ​​ກັນ​ໄພ​ແລະ​ຫຼຸດ​ໄພຕື່ມ​ອີກ,​ເພື່ອ​ຍົກ​ຄວາມ​ສາມາດ​ເຕືອນ​ໄພ ​ແລະ​ຮັບ​ມື​ກັບ​ໄພ​ພິບັດ​ອັນ​ໜັກໜ່ວງ​ຂອງ​ຈີນ​ແລະ​ປະ​ເທດອາຊ​ຽນ​ໃຫ້​ສູງ​ຂຶ້ນ.

ວັນ​ທີ23​ພຶດສະພາ,​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວວິ​ທະຍຸ​ພວກ​ເຮົາ,ທ່ານ​ສື​ເພ​ຈຸ່ນ ຮອງ​ຫົວໜ້າ​ຄະນະ​ກຳມະການ​ຜູ້ຊ່ຽວ​ຊານ​ຂອງ​ຄະນະ​ກຳມະການ​ຫຼຸດ​ໄພແຫ່ງ​ລັດ​ຈີນ​ເວົ້າ​ວ່າ,ຈີນ​ກັບ10ປະ​ເທດ​ອາຊ​ຽນຈະ​ສ້າງ​ກົນ​ໄກ​ໄວ້​ເນື້ອ​ເຊື່ອ​ໃຈ​​ເຊິ່ງກັນ​ແລະ​ກັນ,​ເຮັດ​ໃຫ້​ສອງ​ຝ່າ​ຍນຳ​ໃຊ້ຊັບ​ພະ​ຍາກອນ​ຫຼຸດ​ໄພ​ໂດຍ​ສະ​ເພາະ​ແມ່ນ​ຂໍ້​ມູນ​ຂ່າວສານ​ຫຼຸດ​ໄພ​ພ້ອມ​ກັນ​,ນອກ​ນີ້,ສອງ​ຝ່າຍ​ຍັງ​ຈະ​ສະໜອງ​ການ​ອົບ​ຮົມດ້ານ​ການ​ຄຸ້ມ​ຄອງ​ໄພພິບັດ​​ໃຫ້​ແກ່ກັນ​,ພ້ອມກັນ​​ເສີມ​ສ້າງ​ຄວາມ​ສາມາດ​ໃນ​ດ້ານ​ພະຍາກອນ​ໄພ,​​ເຕືອນ​ໄພ​ແລະນຳ​ໃຊ້​ເຕັກນິກ​ຫຼຸດ​ໄພ​ເປັນ​ຕົ້ນ.

ງານ​ສຳ​ມະ​ນາ​ປ້ອງ​ກັນ​​ໄພ​ແລະ​ຫຼຸດ​ໄພ​ຈີນ-ອາຊຽນ​ໄດ້ຈັດ​ຂຶ້ນ​ຢູ່​ທີ່​ປັກ​ກິ່ງ​ໃນ​ວັນ​ທີ23​ພຶດສະພາ.