|
|
 |
| (GMT+08:00)
2006-05-26 19:34:41
|
 |
|
ຈີນອົສຕຼາລີຈັດການປຶກສາຫາລືຂັ້ນຮອງລັດຖະມົນຕີກ່ຽວກັບບັນຫາເຂດການຄ້າເສລີ
cri
Author: mo
ຕາມຂ່າວCRI: ຕາມຂ່າວທີ່ເວັບໄຊກະຊວງການຄ້າຈີນປະກາດໃນວັນທີ 26 ພຶດສະພາວ່າ, ວັນທີ 25 ພຶດສະພາ, ຈີນອົສຕຼາລີໄດ້ຈັດການປຶກສາຫາລືຂັ້ນຮອງລັດຖະມົນຕີກ່ຽວກັບບັນຫາເຂດການຄ້າເສລີຈີນອົສຕຼາລີ. ສອງຝ່າຍສະແດງວ່າ, ຈະຊຸກຍູ້ຂະບວນວິວັດການເຈລະຈາຢ່າງຕັ້ງໜ້າ.
ວັນທີ 25 ພຶດສະພາ, ທ່ານອີ້ສຽວຈຸນ ຮອງລັດຖະມົນຕີກະຊວງການຄ້າຈີນກັບທ່ານກອຟຣາບີ ຮອງເລຂາທິການກະຊວງການຕ່າງປະເທດແລະການຄ້າອົສຕຼາລີໄດ້ຈັດການປຶກສາຫາລາຢູ່ປັກກິ່ງກ່ຽວກັບບັນຫາເຂດການຄ້າເສລີຈີນອົສຕຼາລີ.
ກ່ອນໜ້ານີ້, ຢູ່ທີ່ປັກກິ່ງ, ສອງຝ່າຍໄດ້ຈັດການເຈລະຈາຮອບ 5 ຂອງການເຈລະຈາເຂດການຄ້າເສລີຈີນອົສຕຼາລີ, ໄດ້ກ້າວເຖິງຂັ້ນເປັນເອກະສັນກັນໃນຂັ້ນພື້ນຖານກ່ຽວກັບຂອບສັນຍາເຂດການຄ້າເສລີແລະເນື້ອໃນທີ່ກ່ຽວຂ້ອງ. ສອງຝ່າຍຈະຈັດການເຈລະຈາຮອບ 6 ຢູ່ທີ່ປັກກິ່ງໃນເດືອນກັນຍາປີນີ້, ດຳເນີນການເຈລະຈາທີ່ມີລັກສະນະທາດແທ້ກ່ຽວກັບບັນຫາອະນຸຍາດເຂົ້າຕະຫຼາດ.
|
|
|
