|
|
 |
| (GMT+08:00)
2006-05-26 20:59:17
|
 |
|
ການຍົກຄຸນທາດວິທະຍາສາດທົ່ວປວງຊົນໃຫ້ສູງຂຶ້ນຈະມີຜົນສະທ້ອນອັນເລິກເຊິ່ງຍາວໄກຕໍ່ການພັດທະນາແບບຍືນຍົງຂອງເສດຖະກິດສັງຄົມຈີນ
cri
Author: mo
ຕາມຂ່າວສານຊີນຮວາ: ກອງປະຊຸມລະດົມປະຕິບັດໂຄງການດຳເນີນງານກ່ຽວກັບຄຸນທາດວິທະຍາສາດທົ່ວປວງຊົນຈີນໄດ້ຈັດຂຶ້ນຢູ່ປັກກິ່ງໃນວັນທີ 26 ພຶດສະພາ, ໃນເວລາເຂົ້າຮ່ວມກອງປະຊຸມ, ທ່ານນາງເສີນຈື້ລີ້ກ່າວວ່າ, ການຍົກຄຸນທາດວິທະຍາສາດທົ່ວປວງຊົນໃຫ້ສູງຂຶ້ນຈະມີຜົນສະທ້ອນອັນເລິກເຊິ່ງຍາວໄກຕໍ່ການພັດທະນາແບບຍືນຍົງຂອງເສດຖະກິດສັງຄົມຈີນ.
ທ່ານນາງເສີນຈື້ລີ້ກ່າວວ່າ, ການຍົກຄຸນທາດວິທະຍາສາດຂອງທົ່ວປວງຊົນໃຫ້ສູງຂຶ້ນ, ຈະເພີ່ມຄວາມສາມາດປະກອບອາຊີບ ຄວາມສາມາດປະດິດສ້າງແລະຄວາມສາມາດສ້າງພາລະກິດຂອງປະຊາຊົນໃຫ້ສູງຂຶ້ນ. ນາງເວົ້າວ່າ, ການເຮັດໃຫ້ໝາກຜົນວິທະຍາສາດເຕັກນິກມີຜົນປະໂຫຍດຕໍ່ທົ່ວປວງຊົນ, ຍ່ອມຈະມີຜົນສະທ້ອນເລິກເຊິ່ງຍາວໄກຕໍ່ການພັດທະນາແບບຍືນຍົງຂອງເສດຖະກິດສັງຄົມຈີນ. ນາງຫວັງໃຫ້ຜູ້ປະຕິບັດງານດ້ານການສຶກສາວິທະຍາສາດເຕັກນິກອັນໄພສານຈົ່ງປະກອບສ່ວນເຂົ້າໃນການປະຕິບັດໂຄງການຄຸນທາດວິທະຍາສາດແລະຍົກຄຸນທາດວິທະຍາສາດຂອງທົ່ວປວງຊົນໃຫ້ສູງຂື້ນ.
ໂຄງການດຳເນີນງານຄຸນທາດວິທະຍາສາດທົ່ວປວງຊົນແມ່ນໂຄງການດຳເນີນງານທີ່ລັດຖະບານຈີນປະກາດໃນຫວ່າງມໍ່ໆນີ້, ໂດຍໝາຍຈະຍົກຄຸນທາດວິທະຍາສາດຂອງພົນລະເມືອງຈີນໃຫ້ສູງຂຶ້ນ. ໃນຫຼາຍປີຂ້າງໜ້າ, ລັດຖະບານຈີນຈະຜ່ານການພັດທະນາການສຶກສາວິທະຍາສາດເຕັກນິກ ເຜີຍແຜ່ແລະສຶກສາໃຫ້ທົ່ວເຖິງກັນນັ້ນ, ເຮັດໃຫ້ຄຸນທາດວິທະຍາສາດທົ່ວປວງຊົນໄດ້ຍົກສູງຂຶ້ນໃນໜ້າພຽງກວ້າງໂດຍໄວ.
|
|
|
