|
ຕາມຂ່າວສານຊິນຮວາ:ວັນທີ26 ພຶດສະພາ,ຢູ່ປັກກິ່ງ,ທ່ານຊາວກ່າງຊ່ວນ ລັດຖະມົນຕີກະຊວງການປ້ອງກັນຊາດຈີນໄດ້ພົບປະທ່ານອານວາ ຜູ້ບັນຊາການກອງປະກອບອາວຸດມາເລເຊຍທີ່ພວມຢ້ຽມຢາມຢູ່ຈີນ.
ທ່ານຊາວກ່າງຊ່ວນກ່າວວ່າ,ຈີນກັບມາເລເຊຍໄວ້ເນື້ອເຊື່ອໃຈເຊິ່ງກັນແລະກັນແລະສະໜັບສະໜູນເຊິ່ງກັນແລະກັນໃນດ້ານການເມືອງ,ໄດ້ກາຍເປັນຄູ່ຂາຮ່ວມມືອັນສຳຄັນໃນດ້ານເສດຖະກິດ,ມີຄວາມຮັບຮູ້ຄືກັນອັນກວ້າງຂວາງໃນຫຼາຍບັນຫາສາກົນແລະພາກພື້ນທີ່ສຳຄັນ,ແລະມີການປະສານງານກັນແລະສົມທົບກັນເປັນຢ່າງດີ.ທ່ານກ່າວວ່າ,ຝ່າຍຈີນເອົາໃຈໃສ່ນຳກນພັດທະນາການພົວພັນໄມຕີຈິດຮ່ວມມືລະຫວ່າງຈີນມາເລເຊຍໃນລະດັບສູງ,ຍິນດີພ້ອມກັບຝ່າຍມາເລເຊຍພະຍາຍາມ,ຊຸກຍູ້ການໄມຕີຈິດຖານບ້ານໃກ້ເຮືອນຄຽງແລະການຮ່ວມມືລະຫວ່າງສອງປະເທດທີ່ສ້າງຂຶ້ນບົນພື້ນຖານທີ່ໂຄລົບເຊິ່ງກັນແລະກັນນັ້ນມີການຄືບໜ້າຢ່າງບໍ່ຢຸດຢັ້ງ,ສ້າງຄວາມສຸກໃຫ້ປະຊາຊົນສອງຊາດ.
ທ່ານອານວາກ່າວວ່າ,ຝ່າຍມາເລເຊຍຍິນດີພ້ອມກັບຝ່າຍຈີນ,ພະຍາຍາມຮັກສາສະຖຽງລະພາບຂອງພາກພື້ນ,ຊຸມຍູ້ການພັດທະນາຮ່ວມກັນ.
|
