|
ຮອດປີ2020,ດິນທີ່ຫັນເປັນທະເລຊາຍປະມານເຄິ່ງໜຶ່ງຂອງຈີນຈະໄດ້ຮັບການປົວແປງຢ່າງບັງເກີດຜົນ
cri
Author: da
ຕາມໜັງສືພິມ"ປັກກິ່ງຍາມແລງ"ລາຍງານວ່າ:ເມື່ອຮອດປີ2010,ຈີນຈະສະກັດກັ້ນທ່ວງທ່າສິ່ງແວດລ້ອມຊີວະພາບຢູ່ເຂດດິນຫັນເປັນທະເລຊາຍຊຸດຮ້າຍລົງໃນເບື້ອງຕົ້ນ,ເມື່ອຮອດປີ2020,ດິນທີ່ຫັນເປັນທະເລຊາຍປະມານເຄິ່ງຈະໄດ້ຮັບການປົວແປງໃຫ້ດີຂຶ້ນຢ່າງບັງເກີດຜົນ,ສິ່ງແວດລ້ອມຊີວະພາບຂອງເຂດທີ່ຫັນເປັນທະເລຊາຍຈະດີຂຶ້ນຂ້ອນຂ້າງຫຼາຍ.
ນີ້ແມ່ນທ່ານຈູ້ເລ້ເຄີ້ ຮອງຫົວໜ້າກົມປ່າໄມ້ແຫ່ງຊາດຈີນເຜີຍໃຫ້ຮູ້ຢູ່ທີ່ປັກກິ່ງໃນວັນທີ 29 ພຶດສະພາ.
ຈີນແມ່ນປະເທດໜຶ່ງທີ່ດິນຫັນເປັນທະເລຊາຍຮ້າຍແຮງກວ່າເພິ່ນ.ປະຈຸບັນ ດິນທີ່ຫັນເປັນທະເລຊາຍມີປະມານ 2 ລ້ານ 6 ແສນກິໂລແມັດມົນທົນ,ກວມເນື້ອທີ່ທົ່ວປະເທດ 27%.
ທ່ານຈູ້ເລ້ເຄີ້ແນະນຳວ່າ,ແຕ່ປີ2000ມານີ້,ຈີນໄດ້ໃຊ້ມາດຕະການຕ່າງໆປ້ອງກັນແລະປົວແປງດິນທີ່ຫັນເປັນທະເລຊາຍ,ສຳຄັນມີການປູກພືດປົກຫຸ້ມ ຮັກສາດິນແລະນ້ຳເປັນຕົ້ນ.ນອກນີ້,ຈີນຍັງສ້າງແລະປະຕິບັດກົດໝາຍກົດບັນຍັດຫຼາຍສະບັບກ່ຽວກັບການປົວແປງດິນທີ່ຫັນເປັນທະເລຊາຍ.ປະຈຸບັນ,ວຽກງານປ້ອງກັນດັ່ງກ່າວຂອງຈີນໄດ້ມີຜົນໃນເບື້ອງຕົ້ນແລ້ວ,ເນື້ອທີ່ດິນທີ່ຫັນເປັນທະເລຊາຍພວມຫຼຸດໜ້ອຍລົງຄູ່ປີ.
|
|
