|
|
 |
| (GMT+08:00)
2006-05-31 16:33:00
|
 |
|
ທ່ານອູປ່າງໂກສິ້ນສຸດການຢ້ຽມຢາມ 4 ປະເທດເອີລົບກັບຄືນປັກກິ່ງ
cri
Author: mo
ຕາມຂ່າວCRI：ພາຍຫຼັງທ່ານອູປ່າງໂກ ປະທານຄະນະປະຈຳສະພາປະຊາຊົນແຫ່ງຊາດຈີນສິ້ນສຸດການຢ້ຽມຢາມສັນທະວະໄມຕີຕໍ່ລູມານີ ມົນໂດວາ ເກັຼກ ແລະຣັດເຊຍຢ່າງເປັນທາງການ ແລະເຂົ້າຮ່ວມການພົບປະລະຫວ່າງບັນດາປະທານລັດຖະສະພາປະເທດສະມາຊິກອົງການຮ່ວມມືຊຽງໄຮ້ທີ່ຈັດຂຶ້ນຢູ່ມົສກູແລ້ວ, ໄດ້ຂີ່ຍົນພິເສດເດີນທາງກັບຄືນມາຮອດປັກກິ່ງໃນຕອນເຊົ້າວັນທີ 31 ພຶດສະພາ.
ທ່ານອູປ່າງໂກແມ່ນເລີ່ມຢ້ຽມຢາມແຕ່ວັນທີ 17 ພຶດສະພາຕາມຄຳເຊີນຂອງປະທານລັດຖະສະພາຂອງ 4 ປະເທດດັ່ງກ່າວ. ໃນໄລຍະຢ້ຽມຢາມ, ທ່ານອູປ່າງໂກໄດ້ພົບປະຜູ້ນຳຕ່າງໆເຊັ່ນປະມຸກລັດ ປະທານລັດຖະສະພາແລະນາຍົກລັດຖະມົນຕີເປັນຕົ້ນຂອງ 4 ປະເທດ, ໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການພົວພັນສອງຝ່າຍ, ການຮ່ວມມືເສດຖະກິດການຄ້າ, ການໄປມາຫາສູ່ກັນລະຫວ່າງລັດຖະສະພາ, ພ້ອມດ້ວຍບັນຫາສຳຄັນໃນສາກົນແລະພາກພື້ນທີ່ສົນໃຈນຳກັນ, ແລະໄດ້ກ້າວເຖິງຂັ້ນມີຄວາມຮັບຮູ້ຄືກັນໂດຍທົ່ວໄປ.
ເມື່ອກ່າວເຖິງຄວາມໝາຍຂອງການຢ້ຽມຢາມເທື່ອນີ້, ທ່ານຊາວເວີ້ຍໂຈ່ວ ຮອງເລຂາທິການຂອງຄະນະປະຈຳສະພາປະຊາຊົນແຫ່ງຊາດຈີນເວົ້າວ່າ, ການຢ້ຽມຢາມເທື່ອນີ້ມີຄວາມໝາຍສຳຄັນຕໍ່ການປັບປຸງມິດຕະພາບອັນເປັນມູນເຊື້ອລະຫວ່າງຈີນກັບປະເທດທີ່ກ່ຽວຂ້ອງ ຊຸກຍູ້ການພົວພັນຈີນເອີລົບແລະການພົວພັນຈີນຣັດເຊຍໃຫ້ຂະຫຍາຍໄປໜ້າ.
|
|
|
