|
|
 |
| (GMT+08:00)
2006-05-31 16:40:05
|
 |
|
ບົດລາຍງານ"ຄວາມປອດໄພແຫ່ງຊາດ"ຂອງເຈົ້າໜ້າທີ່ໄຕ້ຫວັນໄດ້ທຳລາຍການຂະຫຍາຍຕົວໂດຍສັນຕິຂອງການພົວພັນສອງຝັ່ງ
cri
Author: mo
ຕາມຂ່າວCRI: ວັນທີ 31 ພຶດສະພາຢູ່ທີ່ປັກກິ່ງ, ທ່ານລີເວີຍອີ ໂຄສົກຫ້ອງການວຽກງານໄຕ້ຫວັນຂອງຄະນະລັດຖະບານຈີນຊີ້ອອກວ່າ, ບົດລາຍງານ"ຄວາມປອດໄພແຫ່ງຊາດ"ທີ່ເຈົ້າໜ້າທີ່ໄຕ້ຫວັນປະກາດໃນຫວ່າງມໍ່ໆນີ້ໄດ້ທຳລາຍໂດຍກົງຕໍ່ການຂະຫຍາຍຕົວໂດຍສັນຕິຂອງການພົວພັນລະຫວ່າງສອງຝັ່ງ.
ວັນທີ 18 ພຶດສະພາ, ເຈົ້າໜ້າທີ່ໄຕ້ຫວັນໄດ້ປະກາດອັນທີ່ວ່າ"ບົດລາຍງານຄວາມປອດໄພແຫ່ງຊາດ", ໂດຍໄດ້ຂຽນຢ່າງຈະແຈ້ງກ່ຽວກັບອັນທີ່ວ່າ"ການຂົ່ມຂູ່ໃຫຍ່ 9 ດ້ານ"ຂອງແຜ່ນດິນໃຫຍ່ທີ່ມີຕໍ່ໄຕ້ຫວັນ, ເຊິ່ງລວມທັງການທະຫານອຸບັດຂຶ້ນ, ການຂົ່ມຂູ່ຢູ່ເຂດອ້ອມຊ່ອງແຄບໄຕ້ຫວັນ, ແລະແຜ່ນດິນໃຫຍ່ອັດຕັນໄຕ້ຫວັນທາງການຕ່າງປະເທດເປັນຕົ້ນ.
ທ່ານລີເວີຍອີກ່າວວ່າ, "ບົດລາຍງານຄວາມປອດໄພແຫ່ງຊາດ"ໄດ້ເຜີຍອີກເທື່ອໜຶ່ງໃຫ້ເຫັນຜູ້ນຳເຈົ້າໜ້າທີ່ໄຕ້ຫວັນຍຶດໝັ້ນຫຼັກໝັ້ນແບ່ງແຍກໃຫ້ໄຕ້ຫວັນເປັນເອກະລາດຢ່າງດື້ດ້ານຫົວແຂງ, ພ້ອມທັງໄດ້ເຜີຍໃຫ້ເຫັນເຈຕະນາຂອງຜູ້ນຳເຈົ້າໜ້າທີ່ໄຕ້ຫວັນທີ່ຢາກເຮັດໃຫ້ມວນຊົນແລະຫາງສຽງໄຕ້ຫວັນຫັນຄວາມເອົາໃຈໃສ່ນຳບັນຫາສັງຄົມຕ່າງໆ ເຊັ່ນເສດຖະກິດແລະຊີວິດການເປັນຢູ່ຂອງໄຕ້ຫວັນເປັນຕົ້ນໄປທາງອື່ນ. ທ່ານເວົ້າວ່າ, ຜູ້ນຳເຈົ້າໜ້າທີ່ໄຕ້ຫວັນຢາກໃຫ້ໄຕ້ຫວັນເປັນເອກະລາດ, ເຮັດໃຫ້ການພົວພັນສອງຝັ່ງເຄັ່ງຕຶງຂຶ້ນ, ບໍ່ເອົາຫົວຊານຳປະຊາມະຕິຂອງໄຕ້ຫວັນທີ່ຫວັງໃຫ້ການພົວພັນສອງຝັ່ງຂະຫຍາຍຕົວຢ່າງໝັ້ນທ່ຽງແລະສັນຕິ.
|
|
|
