|
|
 |
| (GMT+08:00)
2006-06-01 18:48:43
|
 |
|
ປະເທດສະມາຊິກອົງການຮ່ວມມືທາງອະວະກາດອາຊີປາຊິຟິກທີ່ວາງແຜນຕັ້ງສຳນັກງານໃຫຍ່ຢູ່ປັກກິ່ງນັ້ນເພີ່ມຂຶ້ນຮອດ 9 ປະເທດ
cri
Author: da
ຕາມຂ່າວສານຊິນຮວາ:ວັນທີ 1 ມິຖຸນາ ຢູ່ປັກກິ່ງ ທ່ານໂອຈູເຢ ເອກອັກຄະລັດຖະທູດຕວກກີປະຈຳຈີນໄດ້ເຊັນ"ສົນທິສັນຍາອົງການຮ່ວມມືທາງອະວະກາດອາຊີປາຊິຟິກ".ນັບມາຮອດປະຈຸບັນ,ປະເທດສະມາຊິກອົງການຮ່ວມມືທາງອະວະກາດອາຊີປາຊິຟິກທີ່ວາງແຜນຕັ້ງສຳນັກງານໃຫຍ່ຢູ່ປັກກິ່ງນັ້ນໄດ້ມີ 9 ປະເທດເຊັນສັນຍາເຂົ້າຮ່ວມແລ້ວ.
ອົງການຮ່ວມມືທາງອະວະກາດອາຊີປາຊິຟິກແມ່ນອົງການຈັດຕັ້ງສາກົນລະຫວ່າງລັດຖະບານທີ່ປະກອບດ້ວຍປະເທດພາກພື້ນອາຊີປາຊິຟິກ,ມີຈຸດປະສົງຊຸກຍູ້ການຮ່ວມມືຫຼາຍຝ່າຍລະຫວ່າງບັນດາປະເທດສະມາຊິກໃນຂົງເຂດວິທະຍາສາດເຕັກນິກອະວະກາດແລະການນຳໃຊ້,ຍົກຄວາມສາມາດທາງອະວະກາດຂອງປະເທດສະມາຊິກໃຫ້ສູງຂຶ້ນ,ຊຸກຍູ້ການພັດທະນາແບບຍືນຍົງໃນດ້ານເສດຖະກິດແລະສັງຄົມຂອງບັນດາປະເທດ.ປະເທດຢູ່ນອກອາຊີປາຊິຟິກສາມາດເຂົ້າຮ່ວມການເຄື່ອນໄຫວຂອງອົງການດັ່ງກ່າວໃນຖານເປັນສະມາຊິກສຳຮອງ.
ກ່ອນຕວກກີ,ໄດ້ມີປະເທດບັງກຼາເດັດ ຈີນ ອິນໂດເນເຊຍ ອີຣານ ມົງໂກລີ ແລະປາກີສະຖານເປັນຕົ້ນໄດ້ເຂົ້າຮ່ວມອົງການດັ່ງກ່າວ.
|
|
|
