|
ໂຄສົກກະຊວງການຕ່າງປະເທດຈີນກ່າວວ່າ,ຄຳປາໄສຂອງລັດຖະມົນຕີການຕ່າງປະເທດປາເລັສຕີນກ່ຽວກັບ"ຂໍ້ລິເລີ່ມສັນຕິພາບອາລັບ"ແມ່ນສັນຍານອັນຕັ້ງໜ້າ
cri
Author: da
ຕາມຂ່າວCRI:ວັນທີ 1 ມິຖຸນາ ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຄຳປາໄສຂອງທ່ານຈາຮາ ລັດຖະມົນຕີການຕ່າງປະເທດປາເລັສຕີນກ່ຽວກັບລັດຖະບານປາເລັສຕີນຈະຄົ້ນຄວ້າ"ຂໍ້ລິເລີ່ມສັນຕິພາບຂອງອາລັບ"ດ້ວຍທ່າທີເອົາຈິງເອົາຈັງແລະຕັ້ງໜ້ານັ້ນແມ່ນສັນຍາອັນຕັ້ງໜ້າ,ຝ່າຍຈີນສະແດງຄວາມຊົມເຊີຍ.
ວັນທີ 31 ພຶດສະພາ ທ່ານຈາຮາທີ່ເຂົ້າຮ່ວມກອງປະຊຸມຊັ້ນລັດຖະມົນຕີຂອງເວທີປາໄສຮ່ວມມືຈີນອາລັບຄັ້ງທີ 2 ຢູ່ປັກກິ່ງໄດ້ກ່າວວ່າ,ເພື່ອແກ້ໄຂບັນຫາປາເລັສຕີນຢ່າງທ່ຽງທຳ,ລັດຖະບານປາເລັສຕີນຈະຄົ້ນຄວ້າ"ຂໍ້ລິເລີ່ມສັນຕິພາບຂອງອາລັບ"ດ້ວຍທ່າທີເອົາຈິງເອົາຈັງແລະຕັ້ງໜ້າ.
ທ່ານລິວຈ້ຽນຊ່າວເວົ້າວ່າ,ຝ່າຍຈີນທີ່ເຈດຈຳນົງໂດຍຕະຫຼອດໃຫ້ແກ້ໄຂບັນຫາຕາເວັນອອກກາງດ້ວຍການເຈລະຈາທາງການເມືອງ,ສະໜັບສະໜູນແຜນການທັງໝົດທີ່ໝາຍຢາກແກ້ໄຂບັນຫາຕາເວັນອອກກາງໂດຍທາງການເມືອງ ຊຶ່ງລວມທັງ"ຂໍ້ລິເລີ່ມສັນຕິພາບຂອງອາລັບ".
|
|
