|
|
 |
| (GMT+08:00)
2006-06-02 17:10:24
|
 |
|
ການອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸຂອງຈີນ"ແລ່ນແຂ່ງກັບເວລາ"
cri
Author: mo
ຕາມຂ່າວສານຊີນຮວາ: ວັນທີ 2 ມິຖຸນາ, ເວັບໄຊລັດຖະບານຈີນໄດ້ປະກາດບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດງວດທຳອິດ 518 ລາຍຂອງຈີນ. ແຕ່ນີ້ໄປ, ເຖິງວ່າໂຄງການເຫຼົ່ານີ້ຈະໄດ້ຮັບຄວາມເອົາໃຈໃສ່ແລະການປົກປັກຮັກສາຈາກເຂດຕ່າງໆແລະພາກສ່ວນທີ່ກ່ຽວຂ້ອງກໍຕາມ, ແຕ່ຜູ້ຊ່ຽວຊານເຫັນວ່າ, ວຽກງານປົກປັກຮັກສາຍັງຕ້ອງ"ແລ່ນແຂ່ງກັບເວລາ".
ທ່ານຖຽນຊີງ ຫົວໜ້າສູນຄົ້ນຄວ້າອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸຂອງສະຖາບັນຄົ້ນຄວ້າສິລະປະຈີນເວົ້າວ່າ, ມໍລະດົກວັດທະນະທຳທີ່ບໍ່ແມ່ນວັດຖຸຂອງຈີນພວມຕໍ່ສູ້ຢ່າງລຳບາກກັບຂະບວນວິວັດຫັນເປັນຕົວເມືອງແລະໂລກາວິວັດ. ຢູ່ຈີນ, ແຕ່ລະນາທີກໍອາດຈະມີນັກສິລະປິນເກົ່າຜູ້ໜຶ່ງຫຼືເພງພື້ນເມືອງເພງໜຶ່ງສູນຫາຍໄປ, ແຕ່ລະວິນາທີກໍອາດຈະມີເຮືອນເກົ່າຫຼັງໜຶ່ງຖືກມ້າງຖິ້ມ.
ທ່ານຖຽນຊີງເວົ້າວ່າ, ມໍລະດົກວັດທະນະທຳທີ່ບໍ່ແມ່ນວັດຖຸຄືກັນກັບມໍລະດົກວັດຖຸ, ມີການພົວພັນຫຼາຍກັບເສດຖະກິດສັງຄົມຂອງທ້ອງຖິ່ນ. ຈະສືບທອດແລະພັດທະນາມໍລະດົກວັດທະນະທຳທີ່ບໍ່ແມ່ນວັດຖຸໄດ້ຫຼືບໍ່, ສິ່ງສຳຄັນຕ້ອງອາໄສຄວາມພະຍາຍາມຂອງຜູ້ມີມໍລະດົກວັດທະນະທຳທີ່ບໍ່ແມນວັດຖຸ.
|
|
|
