|
ງານຊື້ຂາຍສິນຄ້າຂາເຂົ້າຂາອອກຂຸ່ນມິງຈີນໄດ້ດຳເນີນວຽກງານເຊີນນັກທຸລະກິດຕ່າງປະເທດມາຮ່ວມງານວາງສະແດງຢ່າງຮອບດ້ານ
cri
Author: min
ຕາມຂ່າວສານຊິນຮວາ: ງານຊື້ຂາຍສິນຄ້າຂາເຂົ້າຂາອອກຂຸ່ນມິງຈີນປີ 2006 ຈະຈັດຂຶ້ນໃນວັນທີ 5 ມິຖຸນາ, ປະຈຸບັນ, ວຽກງານເຊີນນັກທຸລະກິດຕ່າງປະເທດມາເຂົ້າຮ່ວມງານວາງສະແດງໄດ້ດຳເນີນໄປຢ່າງສະດວກ, ສະພາບເຂົ້າຮ່ວມວາງສະແດງກໍດີກວ່າປີກາຍ. ບ່ອນວາງສະແດງ 250 ບ່ອນສຳລັບບໍລິສັດຕ່າງປະເທດໄດ້ມີຜູ້ສັ່ງຈອງໝົດແລ້ວ, ໃນນັ້ນ, ວິສາຫະກິດໄທມີ 67 ບ່ອນວາງສະແດງ.
ເມື່ອທຽບກັບປີທີ່ຜ່ານມາ, ສິນຄ້າຂອງຕ່າງປະເທດທີ່ນຳມາວາງສະແດງປີນີ້ຍິ່ງອຸດົມສົມບູນກວ່າເກົ່າ, ແລະມີຈຸດພິເສດຫຼາຍກວ່າເກົ່າ. ນອກຈາກຜະລິດຕະພັນທີ່ເຮັດດ້ວຍໄມ້, ຂອງກິນທີ່ມີຈຸດພິເສດ, ເຄື່ອງສິລະປະຫັດຖະກຳ, ແລະເຄື່ອງນຸ່ງຂອງບັນດາປະເທດອາຊຽນທີ່ເຄີຍນຳມາວາງສະແດງໃນເມື່ອກ່ອນແລ້ວ, ຍັງຈະມີເຄື່ອງສິລະປະຫັດຖະກຳຂອງອິນໂດເນເຊຍແລະລາວ, ຜະລິຕະພັນກະສິກຳຂອງມາເລເຊຍແລະຜະລິດຕະພັນໃໝ່ອື່ນໆ.
|
|
