|
|
 |
| (GMT+08:00)
2006-06-03 19:57:45
|
 |
|
ຮົງກົງຈະໃຊ້ສາມ"ແມ່ແຮງ"ຊຸກຍູ້ການຮ່ວມມືຢູ່ເຂດປານແມ່ນ້ຳຈູຈ່ຽງ
cri
Author: MO
ຕາມຂ່າວສານຊີນຮວາ: ວັນທີ 2 ມິຖຸນາ, ໃນເວລາໃຫ້ສຳພາດຕໍ່ນັກຂ່າວ, ທ່ານເຈີ່ງອິນສວນ ຜູ້ວ່າການເຂດບໍລິຫານພິເສດຮົງກົງທີ່ນຳພາຄະນະທັດສະນະສຶກສາເສດຖະກິດການຄ້າຮົງກົງໄປຢ້ຽມຢາມເຂດກວາງຊີກ່າວວ່າ, ຮົງກົງຈະນຳໃຊ້ສາມ"ແມ່ແຮງ"ຄືສູນການທະນາຄານສາກົນ ສູນການຄ້າແລະສູນຈໍລະຈອນສິນຄ້າ ປະສາມສົມທົບກັບການຮ່ວມມືແລະການພັດທະນາເສດຖະກິດຂອງເຂດປານແມ່ນ້ຳຈູ່ຈ່ຽງຢ່າງຕັ້ງໜ້າ.
ທ່ານເຈີ່ງອີນສວນກ່າວວ່າ, ຮົງກົງໃນຖານເປັນສູນການທະນາຄານສາກົນທີ່ສຳຄັນຂອງພາກພື້ນອາຊີປາຊີຟິກ, ໄດ້ເປັນ"ຂົວສະພານ"ໃນການຮ່ວມມືຂອງເຂດປານແມ່ນ້ຳຈູ່ຈ່ຽງ, ສາມາດບໍລິການດ້ານການທະນາຄານທີ່ມີປະສິດທິພາບສູງໃຫ້ແກ່ເຂດແຂວງອື່ນໆ. ພ້ອມກັນນັ້ນ, ໃນຖານເປັນສູນຈໍລະຈອນສິນຄ້າສາກົນ, ຮົງກົງມີການບໍລິການແບບວິຊາສະເພາະ, ສາມາດຮ່ວມກັບບັນດາເຂດແຂວງປານແມ່ນ້ຳຈູ່ຈ່ຽງ, ປະກອບເປັນຊ່ອງທາງຈໍລະຈອນສິນຄ້າທີ່ສະດວກກວ່າເກົ່າແລະມີປະສິດທິພາບກວ່າເກົ່າ, ພ້ອມກັນຍົກກຳລັງແກ່ງແຍ່ງດ້ານການຄ້າກັບຕ່າງປະເທດຂອງເຂດປານແມ່ນ້ຳຈູ່ຈ່ຽງໃຫ້ສູງຂຶ້ນແລະຊຸກຍູ້ໃຫ້ເສດຖະກິດເຕີບໂຕ.
|
|
|
