|
|
 |
| (GMT+08:00)
2006-06-05 15:49:19
|
 |
|
ກຳແພງຍັກຕອນຢູ່ປັກກິ່ງໄດ້ປະກົດເຫັນສະຖານທີ່ຮ່ອງຮອຍຄ້າຍທະຫານເປັນຄັ້ງທຳອິດ
cri
Author: da
ໜັງສືພິມຊາວໜຸ່ມປັກກິ່ງລາຍງານວ່າ:ຫວ່າງມໍ່ໆນີ້,ໃນເວລາພະນັກງານສຳຫຼວດບູຮານນະຄະດີຈີນຢັ່ງແທກກຳແພງຍັກຕອນຢູ່ຢຽນຊິ້ງຊານເມືອງມໍ່ກັບເທດສະບານປັກກິ່ງ,ໄດ້ພົບເຫັນສະຖານທີ່ຮ່ອງຮອຍຄ້າຍທະຫານສະໄໝລາຊະວົງມິງເປັນຄັ້ງທຳອິດ.
ສະຖານທີ່ຮ່ອງຮອຍແຫ່ງນີ້ກວມເນື້ອທີ່ປະມານ 1800 ແມັດມົນທົນ,ແມ່ນສະຖານທີ່ຮ່ອງຮອຍຄ້າຍທະຫານສຳຄັນທີ່ເປັນປ້ອມທະຫານໃນສະໄໝລາຊະວົງມິງ(ປີ1368-1644),ຢູ່ທິດຕາເວັນຕົກແລະທິດຕາເວັນອອກຕ່າງໄດ້ຕໍ່ກັບກຳແພງຍັກ.ໃນເວລາຊຳລະສະຖານທີ່,ພະນັກງານສຳຫຼວດບູຮານນະຄະດີໄດ້ຄົ້ນພົບສາດຕາອາວຸດ 500 ກວ່າອັນ,ໃນນັ້ນລວມທັງໝາກແຕກມືແລະລູກປືນໃຫຍ່ເປັນຕົ້ນ,ນອກນີ້ຍັງຄົ້ນພົບອຸປະກອນສິ່ງກໍ່ສ້າງແລະເຄື່ອງໃຊ້ປະຈຳວັນທີ່ສ່ວນຫຼາຍແມ່ນເຄື່ອງດິນເຄືອບແຕກຈຳນວນໜຶ່ງ.
ວຽກງານຊຳລະແລະອະນຸລັກສະຖານທີ່ຮ່ອງຮອຍເທື່ອນີ້,ແມ່ນໂຄງການອະນຸລັກກຳແພງຍັກແລະສິ່ງກໍ່ສ້າງສຳຮອງຂອງຈີນໂດຍຜ່ານການຂຸດຄົ້ນວັດຖຸບູຮານຢ່າງເປັນທາງການເທື່ອທຳອິດ,ນີ້ເປັນຂີດໝາຍສະແດງໃຫ້ເຫັນວ່າ ວຽກງານອະນຸລັກກຳແພງຍັກຂອງຈີນໄດ້ເລີ່ມຕົ້ນຢ່າງເປັນທາງການແລ້ວ.
|
|
|
