|
|
 |
| (GMT+08:00)
2006-06-05 18:38:10
|
 |
|
ຈີນຈະສ້າງເງື່ອນໄຂອັນດີງາມເພື່ອສ້າງຜູ້ມີຄວາມຮູ້ຄວາມສາມາດດ້ານວິທະຍາສາດເຕັກນິກແບບປະດິດສ້າງ
cri
Author: mo
ຕາມຂ່າວCRI: ວັນທີ 5 ມິຖຸນາ, ຢູ່ທີູ່ປັກກິ່ງໄດ້ໄຂກອງປະຊຸມບັນດິດຂອງສະພາບັນດິດວິທະຍາສາດຈີນແລະສະພາບັນດິດວິສະວະກຳຈີນ. ໃນພິທີໄຂກອງປະຊຸມ, ທ່ານຫູຈິນທ່າວ ປະທານປະເທດຈີນກ່າວວ່າ, ຈີນຈະໃຊ້ຫຼາຍມາດຕະການ, ເລັ່ງລັດສ້າງຖັນແຖວຜູ້ມີຄວາມຮູ້ຄວາມສາມາດດ້ານວິທະຍາສາດເຕັກນິກແບບປະດິດສ້າງ.
ທ່ານຫູຈິນທ່າວຮຽກຮ້ອງໃຫ້ພະແນກທີ່ກ່ຽວຂ້ອງໃນແຫ່ງຕ່າງໆສ້າງແລະບູລະນະໂຄງປະກອບໃນດ້ານອົບຮົມ ນຳໃຊ້ແລະແບ່ງປັນຜູ້ມີຄວາມຮູ້ຄວາມສາມາດນັ້ນໃຫ້ສົມບູນຂຶ້ນ; ສົ່ງເສີມໃຫ້ວິສາຫະກິດເພີ່ມການລົງທຶນໃນດ້ານວິທະຍສາດເຕັກນິກ; ປົວແປງລະບອບສິດຊັບສິນທາງປັນຍາໃຫ້ດີຂຶ້ນ; ພ້ອມກັນນັ້ນ, ເພີ່ມທະວີວຽກງານເຜີຍແຜ່ຄວາມຮູ້ວິທະຍາສາດໃຫ້ທົ່ວເຖິງກັນ, ສ້າງບັນຍາກາດສົ່ງເສີມການປະດິດສ້າງດ້ານວິທະຍາສາດເຕັກນິກໃນສັງຄົມຕື່ມອີກ; ທ່ານຍັງກ່າວວ່າ, ຈີນຈະເພີ່ມທະວີການນຳເຂົ້າຜູ້ມີຄວາມຮູ້ຄວາມສາມາດ, ໃຊ້ວິທີຫຼາຍຢ່າງດູດດຶງເອົາຜູ້ຮຽນຢູ່ຕ່າງປະເທດກັບຄືນມາສ້າງພາລະກິດຢູ່ຈີນ.
|
|
|
