|
|
 |
| (GMT+08:00)
2006-06-06 14:39:56
|
 |
|
ການເຄື່ອນໄຫວການຄ້າສາກົນຂະໜາດໃຫຍ່ສອງແຫ່ງໄດ້ຈັດຂຶ້ນຢູ່ເມືອງຄຸນມິງພ້ອມກັນ
cri
Author: da
ຕາມຂ່າວCRI:ວັນທີ 6 ມິຖຸນາ,ງານຕະຫຼາດນັດຄຸນມິງຈີນປີ2006ແລະງານສັງສັນຮ່ວມມືດ້ານເສດຖະກິດການຄ້າເຂດສາມຫຼ່ຽມປານແມ່ນ້ຳຈູ່ຈ່ຽງຄັ້ງທີ 3 ໄດ້ຈັດຂຶ້ນຢູ່ຄຸນມິງ ເມືອງພາກຕາເວັນຕົກສຽງໃຕ້ຂອງຈີນໃນມື້ດຽວກັນ,ງານວາງສະແດງສອງແຫ່ງດັ່ງກ່າວລ້ວນແຕ່ໄດ້ສະແດງໃຫ້ເຫັນຢ່າງພົ້ນເດັ່ນເຖິງຄວາມພະຍາຍາມຂອງຝ່າຍເຈົ້າພາບໃນດ້ານການເພີ່ມທະວີການຮ່ວມມືເສດຖະກິດພາກພື້ນ,ເປີດກວ້າງການໄຂປະຕູແລະຮ່ວມມືກັບປະເທດອາຊຽນ.
ຍ້ອນວ່າງານຕະຫຼາດນັດຄຸນມິງແລະງານສັງສັນການຮ່ວມມືເຂດສາມຫຼ່ຽມປານແມ່ນ້ຳຈູ່ຈ່ຽງຈັດຂຶ້ນພ້ອມກັນ,ຂະໜາດຂອງງານວາງສະແດງໃຫຍ່ກວ່າທຸກສະໄໝທີ່ຜ່ານມາຢ່າງຫຼວງຫຼາຍ,ມີວິສາຫະກິດຕ່າງປະເທດແມ່ນມາຈາກ 19 ປະເທດແລະເຂດແຄວ້ນ. 10 ປະເທດອາຊຽນຊຶ່ງລວມທັງລາວພ້ອມກັບອິນເດຍແລະບັງກຼາເດັດລ້ວນແຕ່ໄດ້ແຕ່ງຄະນະຜູ້ແທນຂອງລັດຖະບານຫຼືຄະນະຜູ້ແທນວິສາຫະກິດມາຮ່ວມງານ,ຝ່າຍເຈົ້າພາບໄດ້ຈັດໃຫ້ມີຫໍວາງສະແດງອາຊຽນໂດຍຈຳເພາະ,ຈັດວາງສະຖານທີ່ວາງສະແດງ 210 ບ່ອນໃຫ້ວິສາຫະກິດປະເທດອາຊຽນ.
ຝ່າຍເຈົ້າພາບກ່າວວ່າ,ຄອງຄອຍໃຫ້ງານຕະຫຼາດນັດຄຸນມິງແລະງານສັງສັນເຂດສາມຫຼ່ຽມປານແມ່ນ້ຳຈູ່ຈ່ຽງ,ຕັ້ງໜ້າຊຸກຍູ້ການແລກປ່ຽນແລະຮ່ວມມືທາງເສດຖະກິດການຄ້າລະຫວ່າງພາກຕາເວັນຕົກສຽງໃຕ້ແລະເຂດສາມຫຼ່ຽມປານແມ່ນ້ຳຈູ່ຈ່ຽງຂອງຈີນກັບອາຊຽນແລະເຂດອາຊີໃຕ້.
|
|
|
