|
ຮອງນາຍົກລັດຖະມົນຕີຈີນກ່າວວ່າ, ຕ້ອງອອກແຮງຊຸກຍູ້ວຽກງານຟື້ນຟູສຸຂະພາບຂອງຄົນພິການ
cri
Author: mo
ຕາມຂ່າວCRI：ວັນທີ 8 ມິຖຸນາຢູ່ທີ່ປັກກິ່ງ, ທ່ານຮຸຍລຽງຢູ້ ຮອງນາຍົກລັດຖະມົນຕີຈີນກ່າວວ່າ, ຕ້ອງອອກແຮງຊຸກຍູ້ວຽກງານຟື້ນຟູສຸຂະພາບຂອງຄົນພິການຈີນ, ສ້າງແລະບູລະນະລະບົບບໍລິການຟື້ນຟູສຸຂະພາບຂອງຄົນພິການ, ເພີ່ມທະວີວຽກງານຟື້ນຟູສຸຂະພາບຢູ່ຊົນນະບົດແລະເຂດຄຸ້ມເຮືອນຢູ່.
ທ່ານຮຸຍລຽງຢູ້ແມ່ນໃຫ້ທັດສະນະດັ່ງກ່າວໃນກອງປະຊຸມວຽກງານພາລະກິດຄົນພິການຈີນຄັ້ງທີ 3.
ໃນກອງປະຊຸມດັ່ງກ່າວ, ທ່ານເຕີ້ງພູຟ່າງ ປະທານສະຫະພັນຄົນພິການຈີນປະກາດວ່າ, 5 ປີຂ້າງໜ້າ, ຈະພະຍາຍາມເຮັດໃຫ້ຄົນພິການໃນຕົວເມືອງແລະຊົນນະບົດເຂດພັດທະນາທີ່ຢາກຟື້ນຟູສຸຂະພາບນັ້ນໄດ້ຮັບການບໍລິການຟື້ນຟູສຸຂະພາບໂດຍທົ່ວໄປ, ເຮັດໃຫ້ຄົນພິການ 70% ຂຶ້ນໄປໃນຊົນນະບົດເຂດດ້ອຍພັດທະນາໄດ້ຮັບການບໍລິການຟື້ນຟູສຸຂະພາບ, ເຮັດໃຫ້ຄົນພິການ 8 ລ້ານ 3 ແສນຄົນໄດ້ຟື້ນຟູສຸຂະພາບໃນຂັ້ນພື້ນຖານ.
ຕາມຊາບວ່າ, ປັດຈຸບັນ, ຈີນໄດ້ສ້າງອົງການບໍລິການຝຶກຫັດເພື່ອຟື້ນຟູສຸຂະພາບຂອງຄົນພິການຂັ້ນຕ່າງໆແລະປະເພດຕ່າງໆເກືອບ 2 ໝື່ນແຫ່ງ, ໃນ 5 ປີທີ່ຜ່ານມາ, ໄດ້ມີຄົນພິການ 6 ລ້ານ 4 ແສນກວ່າຄົນໄດ້ຟື້ນຟູສຸຂະພາບໃນລະດັບຕ່າງກັນ.
|
|
